2 Timoteo 4:7 - Kivunjo New Testament 1999

⁷ Ngyilekapana shiṙa ngyicha, kyaro ngamkyimarisa, Iiṙikyia ngyilelyiringa.

2 Timoteo 4:7 ပူးပေါင်းရင်းမြစ်များ

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Yohane 17:6

Walya ulengyienenga kunu wuyanenyi ngyilewashukuya kyiṟumi kyapfo. Wawekyeri wapfo, kowangyienenga, na malosho gapfo wekyegaosha.

Yohane 4:34

Yesu kawawia, “Kyelya kyako ny'kyo ikyi, ngyiwute shilya ulya alengyiṙuma akundi, ngyiafutsie iṟunda lyakye.

Mawuto Ga Wasu 13:25

Na Yohane kyiyeri aweimarisa iṟunda lyakye nalegamba, ‘Mokusaṟa inyi nyi wui? Inyi chi oe-pfo. Kyaindi kuicha umwi numa yako, ulya inyi ngyilawaṟi ituruchuo ukowa lo shiaṙu shakye.’ ”

Mawuto Ga Wasu 20:24

Kyaindi ngyiwonyi moo oko kye nyi kyindo kya woguru koko kuta iafutsia iṟunda lyilya Yesu alengyienenga-pfo. Iṟunda ngyileenengo nyi ionguo Mbonyi Ngyicha tsa isaṟia lya Ruwa.

Wagalatia 2:2

Na inyi ngyileyenda kyipfa ngyileshukuyo ngawia wandu Ndumi Ngyicha iya ngyekyeongoya walya walakyeri Wayuda, kyaindi kui kyiṟika ko walya wawoṙe kyiṟumi, kyilacheewa kofia ngyiṙicha wulya, ang'u ngyileṙicha wulya.

Waefeso 1:30

mochiwaṙa iwingana lyilya lyilya mulelyiwona koko, na iicho kye ngyiwoṙe mṟasa wulalu.

1 Timoteo 1:18

Mono-ko, Timoteo, gakuenenga iwawaso-lyi lyiwe kyiseyesoe, kyipfa kya mbonyi tsapfo tsa ionguo shisuku, kundu kyiiṙi kya isho ukapane shiṙa shilya shicha.

1 Timoteo 6:12

Kapana shiṙa shilya shicha sha iiṙikyia. Waṙa moo ulya o mlungana ulelagio nyi Ruwa kyiyeri ulegamba na pata iiṙikyia lyapfo mbele ya waṟingyishi wafoi.

1 Timoteo 6:20

Iyoe Timoteo, ringa kyilya Ruwa alekuṙambika, ukushowe na malosho galaṙuṙanyi na galya ga wandu wekyeindia Ruwa, ga wutondo, na maṙeṙo ga wutondo gekyelago malosho kui wongo;

2 Timoteo 1:14

Ringa kyindo kyilya kyicha kui Mumuyo Mweele ekyekaa mrimenyi koṙu.

2 Timoteo 3:10

Indi iyoe noosha malosho gako, na mchumie oko, na kyilya ngyikundi, na iiṙikyia, na wusimiri,

Ulogo 3:10

Cha kyipfa noosha mawawaso gako ga ikarishia, inyi ngyechikuringa, ulekane na kyiyeri kyilya kya iyesho kyikyiṟeyeṟe icha na wuyanenyi, iyesha walya wekyekaa urukyenyi.

Ulogo 3:8

Ngakuenenga moongo mpfunguoe mbele yapfo, moongo kulawoṙe mndu echiiṙima iushinga, cha kyipfa nuwoṙe pfinya kyitutu, na iyoe noosha mawawaso gako, maa ulekana rina lyako-pfo.

Ulogo 6:11

Nawo wakaenengo orio umwi nguwo ngyileshi ya uwiṟo, wakawio wachihiyo kyipfa hatsugai kyiyeri kyitutu, mṟasa kyiyeri kya iafukyia itala lya wangari wawo iṟundenyi na wana wa wama wawo, wechiwawaaga wuṙo chawo.