2 Timoteo 3:8 - Kivunjo New Testament 1999

⁸ Na chandu Yane na Yambre walewingana na Mose, na wuṙo na iwa waiwingana na wuloi wo Ndumi Ngyicha. Nyi wandu wanyamaṟikyie mṙoe yawo, wawalege kyipfa kya iuṟa iiṙikyia.

2 Timoteo 3:8 ပူးပေါင်းရင်းမြစ်များ

Mawuto Ga Wasu 15:24

Cha kyipfa luleicho kye wandu walewuka koṙu walemulyisa wukyiwa kui maṙeṙo gawo, wechiṙetsa mrima yanyu, wandu soe lulalewaṙuma.

Waroma 1:28

Na chandu walelega iwika Ruwa ngyuuṟangonyi tsawo, Ruwa nalewaṙa waoshe ngyuuṟango tsawo tsilawoṙe kyiira, wawute shilawaṟi iwuta.

Waroma 16:18

Kyipfa wandu wa mbaṟe-yo waiṟundia Mndumii oṙu Yesu Kristo-pfo, indi nyi ndewu tsawo wawenyi; na kui maṙeṙo ga wulembi na maṙeṙo gekuloṟa kye wawecha kundu wakundo, wailemba wandu wanyotsu.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

1 Timoteo 1:19

Uwe mndu awoṙe iiṙikyia na makusaṟo mecha, galya wandu wengyi walegatakulyia kuleshi, wakarumara ko mbonyi tsa iiṙikyia.

1 Timoteo 4:2

Kui wukulembecheṟi wo wandu wekyeṙeṙa wongo, na mrima ipfiie ngapfu kyipfa ingyichilyie nyi Satana.

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.

2 Timoteo 4:15

Na iyoe ukushowe na oe, cha kyipfa nalelega mnu maṙeṙo gaṙu.

Tito 1:10

Cha kyipfa kuwoṙe wandu wafoi walawoṙe wuindi, wawoṙe mbonyi tsa wutondo, walembi, na ngoseṟa Wayuda waiṙikyie Yesu.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

2 Petiro 2:14

Wawoṙe meso gaichuo wuṟui, wandu walekyeṙa iwuta wunyamaṟi, wekyelemba mrima ilangyikarishe, wawoṙe mrima ingyiichiwiṟe ilanga, wana wa seso.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.

Ulogo 2:6

Kyaindi nuwoṙe kyindo-kyi, kye nusuuye mawuto ga Wanikolai, galya na inyi ngyigasuuye.