2 Timoteo 3:6 - Kivunjo New Testament 1999

⁶ Cha kyipfa kyiiṙi kya iwo kuwoṙe walya wekyekuwika numbenyi tsa wandu, na iwaṙa pfo waka wai matondo wawoṙe maṟio ga wunyamaṟi, waleṙoo nyi lango tsa orio mbaṟe;

2 Timoteo 3:6 ပူးပေါင်းရင်းမြစ်များ

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

Tito 3:3

Kyipfa mfiri ya ipfo numa maa soe luwewoṙe wuṟango-pfo. Luwewanyamaṟi, luwalembe, kunu lochiosha lango na shindo sha mamoona sha mbaṟe tsifoi, lochiwaṙa mkaṟo ya wuwicho na wunyeng'i, lochisuiṟana na isuana.

Yuda 1:18

kye walemmbia, “Kyiyeri kyefurumia kowaṙa wandu wetaluo, wechiosha lango tsawo wawenyi tsa wuṙetsi.”

Tito 1:11

Wawaṟi iimo walaṙeṙe. Iwo wekyefoga-foga woose wa kanyi ko wandu, wechilosha shindo shilawawaṟi kyipfa kya ipfula masaa ga sonu.

Yuda 1:16

Wandu-wa wekyenunuwa, wekyeyenda kui lango tsawo, na maṙumbu gawo gekyeṙeṙa maṙeṙo gang'anyi ga tiri, wechikundia wandu wawoṙe kyiṟumi kyipfa kya iwona kyiira.

2 Petiro 2:18

Kyipfa wekyeṙeṙa maṙeṙo gekushela na galawoṙe kyiira, na kui lango ngyiwicho tsa mmbiu yawo wekyelemba walya waleṙicha mawicho na lango tsa wuyana.

1 Wakorinto 12:2

Muichi kye kyiyeri muwei wandu walaiṙikyie Yesu, muwekyeosha mafano galekyeṙeṙa, chandu muwekyesongoyo nyi makusaṟo ganyu.

Mariko 4:19

kyaindi ikuwinisha lya kyiwuyana, na wulembi wo masaa, na lango tsa shindo shingyi tsikacha, shekyepfumba Ṙeṙo lyilya lya Ruwa lyilakumbie.

Matayo 23:13

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyeshingyia wandu moongo o Wumangyi wo ruwewu; nyoe muwenyi mulaiṙe napfo, maa walya waiiṙa mulawalekyie waiṙe napfo. [

1 Timoteo 6:9

Kyaindi iwo wakundi iwaṙa masaa wekyeoloka shiyeshonyi na mṙegonyi, na langonyi tsingyi tsa maai, tsekyelyisa wukyiwa, tsekyeolotsa wandu wuṙetsinyi na wunyamaṟinyi.

Matayo 11:28

Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha.

Matayo 4:24

Na mbonyi tsakye tsikaṙunganana urukyenyi lo Shamu loose; wakamwendie woose waweluoe, wawoṙo nyi orio ndoṟe na orio ilyiso wukyiwa, wawoṙo nyi waṟufui wawicho, na wekyeuma nguku, na wapfiie ngapfu ura lumwi; kawakyiṟa.

1 Timoteo 5:6

Indi, ulya alekyeringa mrima okye napfiie maa chandu ai na moo.

Matayo 23:14

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyesoka wakusu orio kyindo wawoṙe, na kui wukulembecheṟi mokyewika shiterewo shileshi; kyipfa kya ikyo mochiambilyia ianduyo lying'anyi ngoseṟa.]