2 Timoteo 2:6 - Kivunjo New Testament 1999

⁶ Kyiwaṟi mṙemi awoṙe wukyiwa wo maṟunda nawe o kuwooka iambilyia ṙombo lya ndunda.

2 Timoteo 2:6 ပူးပေါင်းရင်းမြစ်များ

Matayo 20:1

“Cha kyipfa Wumangyi wo ruwewu wufananyi na monyi kanyi, alefuma ngamenyi utuko indeṟeia waṙemi nawaṙuo ṙemenyi lyakye lya msabibu.

Matayo 25:16

Cha ilyi ulya aleambilyia talanta tsitaanu kayenda, kakapa natso mbucha, kawona ho kyiira talanta tsingyi tsitaanu.

Luka 10:2

Kawawia, “Shilyimu nyi shifoi, kyaindi waṟundi nyi waangu. Kyasia terewenyi Mndumii o shilyimu naṙikye waṟundi shilyimunyi shakye.

1 Wakorinto 9:23

Na inyi ngyekyewuta shindo shoose kyipfa kya Ndumi Ngyicha kundu ngyikae handu hamwi na wandu wengyi.

2 Timoteo 2:7

Manya mnu isho ngyigamba, cha kyipfa Mndumii nekuenenga wuṟango mbonyinyi tsoose.

Waebrania 10:36

Kyipfa muwaṟi iwaṙa wusimiri, kundu kye mukommbuta shilya Ruwa akundi muambilyie kyaasa kyilya.

Waebrania 6:7

Kyipfa uruka lokyenyo mvuo yekyekapa ho kyiyeri kui kyiyeri, na iṙosa maṟa gawoṙe kyiira ko walya galeṙemo kyipfa kyawo, wekyewona mboṟa tsiwukyie ko Ruwa;