2 Timoteo 1:8 - Kivunjo New Testament 1999

⁸ Kyasia ularigo nyi sonu kyipfa kya iṟingyishia lyaṙu. Ularigo nyi sonu kyipfa kyako inyi mpfungo okye, indi ukarishie mawicho hamwi na inyi kyipfa kya Ndumi Ngyicha, iṙuana na pfinya ya Ruwa.

2 Timoteo 1:8 ပူးပေါင်းရင်းမြစ်များ

Mariko 8:38

Kyipfa orio mndu echirigo nyi sonu kyipfa kyako, na malosho gako, kyiiṙi kya rika-lyi lya wuṟui na wunyamaṟi, Mono-Adamu nechirigo nyi sonu kyipfa kya mndu-cho, kyiyeri echicha mng'anonyi o Awu okye hamwi na malaika waele.”

Luka 9:26

Cha kyipfa orio mndu echingyiwonia sonu inyi na maṙeṙo gako, Mana o Adamu nechiwonia sonu mndu-cho kyiyeri echicha mng'anonyi okye na o Awu na malaika waele.

Yohane 15:27

Na nyoe taa muingyiṟingyishia, cha kyipfa wookyia mawookyionyi muwekyeri hamwi na inyi.

Yohane 19:35

(Na ulya alewona kaṟingyishia, na wuṟingyishi wokye nyi wo loi, na oe naichi kye nagamba loi kundu na nyoe muiṙime iiṙikyia).

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

Waroma 8:36

Chandu kyikyiṟeie kye, “Kyipfa kyapfo luiwoogo kyingoto puti, luwatale cha moondo geshinja.”

Waroma 9:33

chandu kyileṟeio, “Ngyiwika Sion igoe lyekyeenenga wandu ikapa ṙende na iṟaṟa lyekyeolotsa. Na orio echimwiṙikyia echirigo nyi sonu-pfo.”

1 Wakorinto 1:6

Chandu wuṟingyishi wo Kristo wulemanyika konyu;

2 Wakorinto 6:7

Ṙeṙonyi lya loi, pfinyenyi ya Ruwa; kui shisha sha wusumganyi sha kuwoko ko kulyoe na sha kuwoko ko kumoso.

Wafilyipi 3:1

Kyipfa kya ikyo inyi Paulo nyi mpfungo o Kristo Yesu kyipfa kyanyu nyoe wandu mulaiṙikyie Ruwa;

Wafilyipi 3:13

Kyasia ngyiterewa maa mulapfiiyo nyi mṙoe kyipfa kya ngyuukyiwa tsako kyipfa kyanyu, tsikyeri mng'ano konyu.

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Wafilyipi 4:17

Kyasia ngyigamba kuṙi, lyingyi-se ngyiṟingyishia kyiiṙi kya Mndumii, wookyia wulalu maa mulawute chandu wandu wekyewuta, wuwichonyi wo makusaṟo gawo.

Waefeso 1:7

Wuṙo wuṙo chandu kyikyeri iṟunda lyako ikusaṟa ishi kyipfa kyanyu moose; cha kyipfa nyoe mukyeri mrimenyi koko; cha kyipfa kyipfungonyi kyako na iṟundenyi lyeringa kyiṟumi kya Ndumi Ngyicha, na iiṟingyishia, nyoe moose muleambilyia isaṟia-lyi hamwi na inyi.

Waefeso 3:10

Kundu ngyimmanye oe, na wuiṙimi wo iṟuka lyakye, na ilya wukyiwa wulya alelya, ngyechifananyisho na ipfa lyakye;

Waefeso 4:13

Ngyekyeiṙima shindo shoose kyiiṙi kya ulya ekyengyienenga pfinya.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

1 Watesalonikye 3:4

Cha kyipfa kyiyeri luwekyeri konyu lulesonguo immbia kye lochilya wukyiwa, chandu kyilewutika, na nyoe muichi.

1 Timoteo 2:6

Ulya alekuwuta amonyi kundu naendie wandu woose wukyiṟo; ikuwuta lyileloṟa kyiyeri Ruwa akundi ikyiṟa wandu woose.

2 Timoteo 1:10

Na wulalu lyiṟingyishio kui iloṟo lya Mkyiṟa oṙu Kristo Yesu; alegalutsa upfu, na ishukuo moo na kulawoṙe inyamaṟika, kui Ndumi iya Ngyicha;

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

2 Timoteo 1:16

Mndumii naenengye isaṟia walya wa ura lo Onesifoṟo, kyipfa kafoi nalengyichihiṟa, maa alerigo sonu nyi kyipfa kya ilyi ngyiwempfungye-pfo,

2 Timoteo 2:3

Ulye wukyiwa hamwi na inyi, cha asikari mcha o Kristo Yesu.

2 Timoteo 2:8

Kumbuo Yesu Kristo aleṟuka ko wapfu, o mbaṟe ya Dawidi chandu malosho gako ga Ndumi-i Ngyicha gaigamba.

2 Timoteo 2:9

Na inyi kyiiṙi kyayo ngyiletuuro mṟasa ipfungo cha mndu awutie mawicho; kyaindi Ṙeṙo lya Ruwa lyekyepfungo-pfo.

2 Timoteo 4:17

Kyaindi Mndumii nalegoṟoka ura loko kangyienenga pfinya, kundu kui iṟunda lyako mbonyi tsilya tsigambo nakamwi, mṟasa woose walaiṙikyie Ruwa waicho; na inyi ngakyiṟo iwuka upfunyi.

2 Timoteo 4:5

Indi iyoe uwaṙe meena shindonyi shoose. Karishia mawicho, ṟunda iṟunda lyeonguo Ndumi Ngyicha, ṟunda kyilya kyikuwaṟi cha mṟundi o Ruwa.

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 1:2

Yohane aleṟingyishia Ṙeṙo lya Ruwa, na wuṟingyishi wo Yesu Kristo, wo shindo shoose alewona.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 12:11

Nawo wakammbinga kui samu ya Kyiondo kya Ruwa, na kui mbonyi tsa wuṟingyishi wowo; walya walalekunda moo yawo mṟasa ipfa.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.