2 Timoteo 1:7 - Kivunjo New Testament 1999

⁷ Kyipfa Ruwa aleluenenga mrima o wuowu-pfo, indi o pfinya na o ikunda na uwoṙe meena.

2 Timoteo 1:7 ပူးပေါင်းရင်းမြစ်များ

Luka 10:19

Ngamuenenga pfinya yechuma njoka na shisheshe, na pfinya tsoose tsa mokyituwa ulya, maa kuwoṙe kyindo kyemmbutia kyindo kyiwicho-pfo.

Luka 15:17

Kyiyeri alekusaṟa mrimenyi kokye, nalegamba, ‘Nyi waṟundi wenga wa awu oko wekyelya shelya na itsugaṟa, na inyi iha ngyiipfa njaa?’

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Luka 8:35

Wandu wakafuma indewona ikyo kyilewutika, wakayenda ko Yesu, wakawona mndu ulya alewuto waṟufui wawicho aṙamie maṙendenyi ga Yesu, aṟee nguwo na makusaṟo gakye gai mecha, wakaowuo.

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Mawuto Ga Wasu 1:8

Kyaindi mochiambilyia pfinya, Mumuyo Mweele kamcha na konyu, na nyoe mochingyiṟingyishia Yerusalemu, na urukyenyi loose lo Wayuda, na Samaria, mṟasa matsitsionyi ga uruka.”

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 20:24

Kyaindi ngyiwonyi moo oko kye nyi kyindo kya woguru koko kuta iafutsia iṟunda lyilya Yesu alengyienenga-pfo. Iṟunda ngyileenengo nyi ionguo Mbonyi Ngyicha tsa isaṟia lya Ruwa.

Mawuto Ga Wasu 21:13

Nyi lyo-ndu Paulo alelugaluo na iluwia, “Ny'kyikyi muiwuta kui ifiiṟa na ingyienenga wuowu? Cha kyipfa inyi, hamwi na iwiko kyipfungonyi ngyikuṟeyeṟie iwoogo kulya Yerusalemu kyipfa kya rina lya Mndumii Yesu.”

Mawuto Ga Wasu 26:11

Na kafoi masinagoginyi goose ngyilewalyisa wukyiwa, ngawaitika ilahia Ruwa; ngakapo nyi nyashi kyipfa kyawo cha msuko, ngawalyisa wukyiwa maa mṟinyi ya wuyenunyi.”

Mawuto Ga Wasu 26:25

Kyaindi Paulo kagamba, “Festo monyi kyiṟumi, ngyimsuko-pfo. Ngyiṙeṙa shindo sha loi ngyilamsuko maa ale.

Mawuto Ga Wasu 6:8

Na Stefano, aichuo isaṟia na wuiṙimi, nawekyewuta shindo sha maṟiyisho na ṟigo tsing'anyi mbele ya wandu.

Mawuto Ga Wasu 9:22

Saulyi kaengyeṟa iwaṙa pfinya kyiiṙi kya ionguo mbonyi tsa Yesu, kaowesha Wayuda wawekyekaa Dameskyi, echiloṟa na pata kye ulya aweionguo mbonyi tsakye nyi oe Kristo.

Waroma 5:5

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

Waroma 8:15

Cha kyipfa Mumuyo ulya Ruwa amuenengyie omugaluo nyoe watumo na imuenenga wuowu-pfo; indi muleambilyia Mumuyo o imugaluo wana, na kui Mumuyo-cho luilaga Papa, nyi kyimwi na igamba Awu.

1 Wakorinto 2:4

Na mbonyi tsako na ilosha lyako lya Ṙeṙo lya Ruwa kuwei kui maṙeṙo ga wuṟango wokyekuruo ngyuuṟango tsa wandu-pfo, indi kui iloṟa kye Mumuyo o Ruwa naweiṟunda na pfinya,

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wakolosai 1:8

na oe naleluongoya ikunda lyanyu Mumuyonyi.

Waebrania 2:15

na kui iwuta kuṙo nalekyie walya wawei watumo kyipfa kya iowuo upfu moo yawo yoose.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Yohane 4:18

Ikundenyi kuwoṙe wuowu-pfo; kyaindi ikunda lya loi lyekyewiyitsa wuowu nja, cha kyipfa wuowu wuwoṙe ngapo; na awoṙe wuowu awoṙe ikunda lying'anyi-pfo.