2 Timoteo 1:4 - Kivunjo New Testament 1999

⁴ Na inyi ngyilangyie mnu ikuwona, ngyechikumbuo mcheṟeṟe yapfo, kundu ngiichuo sia;

2 Timoteo 1:4 ပူးပေါင်းရင်းမြစ်များ

Yohane 16:22

Kyasia nyoe wulalu muwoṙo nyi fowa; kyaindi inyi ngyechimmbona-se; na mrima yanyu yechichihiyo, na sia yanyu kuwoṙe mndu echimusoka-pfo.

Yohane 16:24

Mṟasa wulalu mulandeterewe kyindo kui rina lyako-pfo. Terewenyi, na nyoe mochienengo; kundu muchihiyo nakamwi.”

Mawuto Ga Wasu 20:19

ngyechiṟundia Mndumii kui wusimiri woose, na kui mcheṟeṟe, na shiyesho shilengyichia kui ngyeṟo tsa Wayuda.

Mawuto Ga Wasu 20:31

Koikyo laenyi kyiṙombo, mochikumbuo kye maka iṟaṟu, kyio na kyingoto, ngyileṙa iṙeṙia orio umwi onyu, ngyechilya wukyiwa wung'anyi mnu-pfo.”

Waroma 1:11

Kyipfa ngyilangyie mnu immbona nyoe, ngyiiṙime imuenenga kyisumbo kya mrimenyi, kundu mukarisho mulalolome.

Waefeso 1:8

Kyipfa Ruwa nyi mṟingyishi oko, ngyimkundi nyoe chandu Yesu Kristo amkundi.

Waefeso 2:26

Cha kyipfa nalangyie mnu immbona nyoe na nalewihiyo mnu mrimenyi kyiyeri aleicho kye momanya mbonyi tsa ndoṟe yakye.

1 Watesalonikye 2:17

Kyaindi soe, wana wa wama, lulekanyi na nyoe kyiyeri kyifuhi, lulekanyi na nyoe kyimmbiu indi chi kyimrima-pfo, lulelanga mnu immbona nyoe.

2 Timoteo 4:21

Pfuṟukana uche kyiyeri mbeho ilandeche. Eubulo, Pude, Lyino, Kyilaudia na wana wa wama waiṙikyie Yesu woose taa wakuiṟikyiṟa.

2 Timoteo 4:9

Pfuṟukana icha na koko iwinyi.

1 Yohane 1:4

Na ishi lushiṟeia, kundu sia yaṙu iafutsio.

Ulogo 21:4

Na oe nechianguo orio mcheṟeṟe mesonyi kowo, maa kochiwaṙa-se upfu-pfo; maa ikapa ṟanyi maa kyifiiṟo-pfo; maa kochiwaṙa-se mawawio-pfo; cha kyipfa shindo sha kuwooka shamuiṙa.”

Ulogo 7:17

Cha kyipfa Kyiondo-kyo kya Ruwa, kyikyeri kyitimenyi kya mng'ano, kyechimulyisa, nakyo kyechimusongoya iyenda shokyenyi tsa mṟinga uwoṙe moo, na Ruwa nechiwaanguo mcheṟeṟe yoose mesonyi gawo.”