2 Timoteo 1:3 - Kivunjo New Testament 1999

³ Ngyiana Ruwa, ngyekyemwindia na imterewa kui mrima mmbaṙami wookyia kacha lya waku wako, chandu ngyekyekukumbuo iyoe kyiyeri kyoose, kyiiṙi kya iterewa lyako kyio na kyingoto.

2 Timoteo 1:3 ပူးပေါင်းရင်းမြစ်များ

Luka 2:37

Na oe nyi mka mkusu o maka makumi nyanya na ina, ekyewuka hekalunyi-pfo, indi nyi iterewa Ruwa kyio na kyingoto echikuretekyia na iterewa.

Mawuto Ga Wasu 22:3

“Inyi nyi Myuda, ngyilefeo Tariso, mṟi o Kyilyikyia, indi ngyileng'anyisio kunu mṟinyi, ngyikyeri manalosho o Kamalyielyi. Ngalosho chandu kyiwaṟi mawawaso goose ga waku waṙu, ngawa mndu ekyepfuṟukania Ruwa chandu nyoe mukyeri inu.

Mawuto Ga Wasu 23:1

Paulo kaitukuya wandu walya wa halya mengyenyi karii, kagamba, “Wana wa wama wako, inyi kui mrima muyendelyi nakamwi ngyilekaa mbele ya Ruwa mṟasa inu.”

Mawuto Ga Wasu 24:14

Indi kyindo ngyigamba kopfo nyi kye kui Njia iya ya Mndumii waigamba nyi ya wongo, ngyekyeindia Ruwa o waku waṙu, ngyiiṙikyie shoose shiṙuṙanyi na uwawaso na shilya shishiṟeie shitapunyi sha weonguo shisuku.

Mawuto Ga Wasu 24:16

Na inyi ngyekyetambagana iichiwia kyindo-kyi ngyiwaṙe mrima ulawoṙe mti mbele ya Ruwa na mbele ya wandu mfiri yoose.

Mawuto Ga Wasu 26:4

“Cha kyipfa Wayuda woose wangyiichi wookyia ngyii manakye, shindo shiwekyeri urukyenyi loko ipfo Yerusalemu wookyia mawookyionyi,

Mawuto Ga Wasu 27:23

Cha kyipfa kyio kya inu malaika o Ruwa ulya inyi ngyikyeri okye, na oe nyi oe ngyekyemwowuo na imterewa, nalegoṟoka kufuhi na inyi,

Waroma 9:1

Ngyiṙeṙa loi kyiiṙi kya Kristo, ngyiṙeṙa wongo-pfo, mrima oko ongyiṟingyishia Mumuyonyi Mweele,

2 Wakorinto 1:12

Cha kyipfa ikushela lyaṙu nyi ilyi, iṟingyishia lya kyilya mrima yaṙu iwonyi kye kyikyicha, kye kui wuele na ngoo ngyiilyi iwukyie ko Ruwa; chi kui wuṟango wo mmbiu-pfo, indi kui isaṟia lya Ruwa; lulewaṙa mchumie wuyanenyi, na ngoseṟa konyu nyoe.

Wagalatia 1:14

Na inyi wandunyi wa rika lyako inyi ngyiwekyeri mbele kuta wengyi kyipfuṟukanionyi kyeindia Ruwa chandu Wayuda wekyemwindia, ngatambagana mnu iosha shilya ngyileambilyia ko waku wako.

Wafilyipi 1:16

ngyekyeṙa iana kyipfa kyanyu-pfo; ngyemukumbuo shiterewonyi shako.

1 Watesalonikye 3:10

kyio na kyingoto kyiyeri lokyeterewa kui ipfuṟukana lying'anyi luiṙime immbona nyoe, na iichuṟia shilya iiṙikyia lyanyu lyilashiwoṙe?

1 Timoteo 1:19

Uwe mndu awoṙe iiṙikyia na makusaṟo mecha, galya wandu wengyi walegatakulyia kuleshi, wakarumara ko mbonyi tsa iiṙikyia.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

1 Timoteo 5:5

Kyasia, ulya ai mkusu o loi, namṙe amonyi, icho nakusurie Ruwa, na oe orio mfiri nekyeterewa kyingoto na kyio.

2 Timoteo 1:5

ngyechikumbuo iiṙikyia uwoṙe lyilawoṙe wukulembecheṟi lyiwekyeri kuwooka ko wakyekuyo ekyelago Loisi, na ko womoo ekyelago Eunikye, na inyi ngyiichi kye maa iyoe nulyiwoṙe.

2 Timoteo 3:15

Na kye wookyia wututu nulemanya shiṟeio shiele, isho shechiiṙima ikuṟangusha mṟasa uambilyie wukyiṟo kui iiṙikyia lyikyeri kyiiṙi kya Kristo Yesu.

Waebrania 13:8

Yesu Kristo nyi oe ulya, ukou na inu na mṟasa mlungana.