2 Timoteo 1:1 - Kivunjo New Testament 1999

¹ Inyi Paulo, msu o Kristo Yesu, iṙuana na chandu Ruwa akundi, kyipfa kya kyaasa kya moo ukyeri kyiiṙi kya Kristo Yesu;

2 Timoteo 1:1 ပူးပေါင်းရင်းမြစ်များ

Yohane 10:28

Na inyi ngyekyegaenenga moo o mlungana; maa gechiṙeka maa ale-pfo; maa kuwoṙe mndu eiṙima igangyisoka-pfo.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 6:54

Mndu alya mmbiu oko na inyo samu yako nawoṙe moo o mlungana; na inyi ngyechimṟutsa mfiri o furumia.

Waroma 1:1

Paruo-i yawuka koko inyi Paulo, mṟundi o Yesu Kristo, alelago nawe msu, na iteseṟo naonguoe Ndumi Ngyicha ya Ruwa;

Waroma 5:21

kundu kye chandu wunyamaṟi wulechilyia upfunyi, na wuṙo kui njia ya wusumganyi isaṟia lyichilyie mṟasa moo o mlungana kui Yesu Kristo Mndumii oṙu.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

1 Wakorinto 1:1

Inyi Paulo ngyikyeri msu o Yesu Kristo, chandu Ruwa akundi, ngaṟeia paruo-i na Sositene, mono-wama oṙu,

2 Wakorinto 1:1

Inyi Paulo, ngyikyeri msu o Kristo Yesu chandu Ruwa akundi, na Timoteo mono-wama oṙu; ngaṟeia paruo-i ko siṟi ya Ruwa ikyeri Korinto, hamwi na wandu wa Ruwa woose wakyeri urukyenyi loose lo Akaya.

2 Wakorinto 1:20

Kyipfa shaasa shoose sha Ruwa shikyeri kokye nyi “Yee.” Lyingyi-se kyipfa kya ikyo kokye oe nyi “Amen;” Ruwa naiṙime iṟumisho kui soe.

Wagalatia 3:26

Cha kyipfa nyoe moose mowa wana wa Ruwa kui njia ya iiṙikyia Kristo Yesu.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

1 Timoteo 6:19

kunu wechikooma kyiseyesoe kyiwe urende lucha ko kyiyeri kyiicha, kundu wawone moo o loi.

2 Timoteo 1:10

Na wulalu lyiṟingyishio kui iloṟo lya Mkyiṟa oṙu Kristo Yesu; alegalutsa upfu, na ishukuo moo na kulawoṙe inyamaṟika, kui Ndumi iya Ngyicha;

2 Timoteo 1:13

Osha necha kui wuragari mbonyi tsiwoṙe moo uletsiicho koko, iiṙikyienyi lya ikunda lyikyeri kyiiri kya Kristo Yesu.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

2 Timoteo 2:1

Kyasia iyoe, mono-ko, uwaṙe wukari isaṟienyi lyikyeri kyiiṙi kya Kristo Yesu.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

2 Timoteo 2:3

Ulye wukyiwa hamwi na inyi, cha asikari mcha o Kristo Yesu.

2 Timoteo 3:15

Na kye wookyia wututu nulemanya shiṟeio shiele, isho shechiiṙima ikuṟangusha mṟasa uambilyie wukyiṟo kui iiṙikyia lyikyeri kyiiṙi kya Kristo Yesu.

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

Tito 1:4

Ngaṟeia paruo-i ko Tito, mono-ko nakamwi iiṙikyienyi lyaṙu. Isaṟia lyikae kopfo na ufoṟo shiwukyie ko Ruwa Awu na Kristo Yesu Mkyiṟa oṙu.

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

1 Yohane 2:25

Na ikyi nyikyo kyaasa aleluenenga, moo o mlungana.