2 Petiro 3:9 - Kivunjo New Testament 1999

⁹ Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.

2 Petiro 3:9 ပူးပေါင်းရင်းမြစ်များ

Waroma 13:11

Yee, lukomanya kyiyeri, kye kyiyeri kyeamka maṙoenyi kyamwafukyia; cha kyipfa wulalu wukyiṟo woṙu wukyeri kufuhi na soe kuta lyilya lulewooka iiṙikyia.

Waroma 13:12

Kyio nyi iiṙa kyii kyingoto kyamtikyira kufuhi; kyasia luṙe mawuto ga meema, na iṟaa shisha sha ngyeela.

Waroma 2:4

Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

Waroma 9:22

Kyasia ny' kyikyi-ng'u, kokooya Ruwa kui ikunda iloṟa nyashi yakye, na iṟingyishia wuiṙimi wokye, kui ikarishia lying'anyi, naleṙuana na walya wawewaṟi inyamaṟo nyi nyashi ya Ruwa.

1 Timoteo 1:16

Kyaindi kyipfa kya ikyo ngyilewona isaṟia, kundu mrimenyi koko inyi o kuwooka, Yesu Kristo naṟingyishie wucha wokye wulekyesia; ngyiwe kyindo walya wechimwiṙikyia wechikyiambuya, wawone moo o mlungana.

1 Timoteo 2:4

ulya akundi wandu woose wakyiṟo, na iiṙima imanya shikyeri sha loi.

Waebrania 10:37

“Cha kyipfa hatsugae kyiyeri kyifuhi mnu ulya aicha nechicha, maa echikyelyio-pfo.

1 Petiro 3:20

wandu walawewoṙe wuindi kyiyeri kya ipfo numa, kyiyeri Ruwa alewaweṙelyia kulawoṙe iwina lyilya Noe aleachikyia safina; safina ileenenga wandu nyanya ikyia iwoogo nyi mṟinga.

2 Petiro 1:4

Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.

2 Petiro 3:15

Na nyoe talenyi wusimiri wo Mndumii oṙu kye nyi wukyiṟo, chandu na mono-wama oṙu mkunde Paulo aleṟeia kui wuṟango aleenengo.

Ulogo 2:21

Na inyi ngamwenenga ṙaawa kundu naṙumbuye wunyamaṟi, maa akundi iṙumbuya wuṟui wokye-pfo.