2 Petiro 2:4 - Kivunjo New Testament 1999

⁴ Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

2 Petiro 2:4 ပူးပေါင်းရင်းမြစ်များ

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 8:29

Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Mariko 5:7

Kakalagatsa kui ṟui lying'anyi, kagamba, “Lekana na inyi, Yesu, Mono-Ruwa akyeri ruwewu. Kui rina lya Ruwa ulangyilyise wukyiwa.”

Luka 10:18

Kawawia, “Ngyilewona Satana, echioloka iwuka ruwewu cha mbawa.

Luka 8:31

Wakamterewa kawawuta alawafune wayende ṟungunyi.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 11:21

Cha kyipfa kokooya Ruwa alalelekyia mbaga tsa kuwooka, maa ekulekyia iyoe-pfo.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

2 Petiro 2:11

Walosha-wo wa wongo wawoṙe wukari na makushelo, wekyelahia malaika wa Ruwa maa wekyewaindia-pfo. Indi malaika wawoṙe pfinya kuta walosha-wo maa wekyegamba shindo shawo mbele ya Mndumii-pfo.

2 Petiro 2:5

Maa Ruwa alehooṟia wuyana wulya wo kacha-pfo, indi naleende Mfu onyamaṟa wuyana wo walya walaiṙikyie Ruwa. Walekyiṟo nyi Noe amonyi awekyeri msumganyi, na wandu wengyi mfungaaṙe.

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

Yuda 1:13

Nyi shiwiṟi sha ipalyipalyinyi shilekyewa ishingyia, mawuto gawo ga sonu gakyeri cha iwia lyifanyi lya ipalyipalyi lyifoikyie. Nyi nyenyeri tsikyama-kyama, walya Ruwa awaṟeyeṟie handu mlungana meemenyi ung'anyi.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.