2 Petiro 2:2 - Kivunjo New Testament 1999

² Wafoi waiṙikyie wewuta shindo shifananyi na walosha-wo wa wongo. Na walya walaiṙikyie wakawona kuṙo, weṙeṙa mawicho kyipfa kya iiṙikyia lya Kyikristiano.

2 Petiro 2:2 ပူးပေါင်းရင်းမြစ်များ

Matayo 22:16

Wakaṙuma kokye wanalosho wawo hamwi na Maherodi, wakagamba, “Mlosha, luichi kye iyoe nyi mndu o loi, na njia ya Ruwa nokyeilosha kui wuloi, maa okyesaṟa rina lya mndu oose-pfo, cha kyipfa okyeambuya fana tsa wandu-pfo.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 7:14

Kyaindi moongo nyi umsuse, na njia iyendie moonyi o mlungana nyi ingyisuse, na wekyeiwona nyi sa waangu.”

Mariko 12:14

Na kyiyeri waleafukyia walemmbia, “Mlosha, luichi kye iyoe nyi mndu o loi, maa okyesaṟa kyiṟumi kya mndu-pfo; cha kyipfa okyeambuya fana tsa wandu-pfo kyaindi kyiiṙi kya wuloi nokyelosha njia ya Ruwa. Ngyesa nyi sungusinyi ienenga Kaisari kodi ang'u ote?

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Mawuto Ga Wasu 13:10

kagamba, “Iyoe uwoṙe ngyeṟo na wuwicho woose, mana o Mokyiriinzi, mokyituwa o wusumganyi woose, okyeṙa igaluo wuloi wo Mndumii wuwe wongo?

Mawuto Ga Wasu 14:2

Kyaindi Wayuda walelega iiṙikyia Yesu wakawutia wandu walaweiṙikyie Yesu shindo sha kyinyala na ienenga walya waweiṙikyie Yesu ipfuluko mrimenyi.

Mawuto Ga Wasu 16:17

Kyikaosha Paulo na soe, kyikakalagatsa, kyechigamba, “Wandu-wa nyi waṟundi wa Ruwa, wekyemuongoya mbonyi tsa wukyiṟo.”

Mawuto Ga Wasu 18:26

Akyeri sinagoginyi kawooka iṙeṙa kulawoṙe wuowu; na kyiyeri Pirisikyila na Akyila waleicho eṙeṙa wakamṙuo kowo, wakamwongoya mbonyi tsa Mndumii necha ngoseṟa.

Mawuto Ga Wasu 19:9

Kyaindi wengyi wakalega iiṙikyia, wechilahia Njia iya Mndumii aleloṟa. Kyasia Paulo kalekana nawo, kaṙuo wanalosho walya, kagaluana na wandu orio mfiri inumbenyi lying'anyi lyeloshia wandu lya mndu umwi ekyelago Tirano.

Mawuto Ga Wasu 22:4

Ngalyisa wukyiwa wandu walya wekyeosha njia iya ya Mndumii ngawapfunga na iwawaaga, ngyechiwawika kyipfungonyi, wasoṟo na waka.

Mawuto Ga Wasu 24:14

Indi kyindo ngyigamba kopfo nyi kye kui Njia iya ya Mndumii waigamba nyi ya wongo, ngyekyeindia Ruwa o waku waṙu, ngyiiṙikyie shoose shiṙuṙanyi na uwawaso na shilya shishiṟeie shitapunyi sha weonguo shisuku.

Waroma 2:24

Kyipfa rina lya Ruwa lyilahio wandunyi walaiṙikyie Ruwa kyipfa kyanyu, chandu kyikyiṟeie.

1 Timoteo 5:14

Kyasia ngyikundi wakusu, walawaku, waalyiko, wafee wana, wachilyie kanyi kowo; kundu walaenengye mokyituwa ṙaawa lyegamba kye luwoṙe ṙeko.

Tito 2:5

na iwa wandu wawoṙe meena, iṙa wuṟui, wekyeṟunda kanyi kowo, wekyewuta kyilya kyikyicha, iindia wamii wawo; kundu Ṙeṙo lya Ruwa lyilamino.

Tito 2:8

na mbonyi tsiwoṙe moo tsilechiiṙima igambo kye tsiwoṙe tewe, kundu ulya ekyekana narigo nyi sonu, cha kyipfa awoṙe kyindo eiṙima igamba kyipfa kyaṙu-pfo.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

2 Petiro 2:12

Kyaindi iwo kyimwi cha mando ga saka galawoṙe wuṟango, walefeo cha mando ga saka tikyi wakyeri nyi wewaṙa na iwoogo, wechilahia Ruwa shindonyi walashiichi, wechirumatso irumatsonyi lyawo.

2 Petiro 2:15

Wechiṙa njia ngyigoṟotsu, wakaṙeka; wechiosha njia ya Balaamu, mana o Beori, alekunda wori wo wuwicho;

2 Petiro 2:18

Kyipfa wekyeṙeṙa maṙeṙo gekushela na galawoṙe kyiira, na kui lango ngyiwicho tsa mmbiu yawo wekyelemba walya waleṙicha mawicho na lango tsa wuyana.

2 Petiro 2:21

Kyipfa nyi-we nanga kowo walawechimanya njia ya wusumganyi, kuta iimanya, numa iṙa iwawaso lyilya lyiele waleenengo.

2 Petiro 2:7

kakyiṟa Loti, ulya msumganyi alesokyio nyi fowa mnu kyipfa kya wuwicho wo wanyamaṟi-wo.

Yuda 1:10

Kyaindi wandu-wa wekyelahia shindo walashiichi; shindo shilya shilya washiichi wookyia kacha nyisho shiwarumatsa cha mando ga saka.

Yuda 1:15

kundu naanduye wandu woose, na itoṟisha woose walaiṙikyie Ruwa, kyipfa kya mawuto gawo goose ga wuṙetsi, walewuta kulawoṙe iowuo na ikunda Ruwa na kyipfa kya maṙeṙo goose malemeri galeṙeṙo nyi iwo wanyamaṟi walekyeindia Ruwa.”

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Yuda 1:7

Chandu kyiwei Sodoma na Gomora hamwi na mṟi iwekyeri mṟasenyi, waleosha wuṟui kui mbaṟe imwi na iwa, wakandeosha mbonyi tsa kyimmbiu tsilawaṟi wookyia kacha, kyilewiko kyiwe kyiṟingyishio, wechianduyo moṙonyi o mlungana.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:14

Nalyo lyikatewe walya wekyekaa urukyenyi, kui shiṟingyishio shilya lyileenengo ishiloṟa mbele ya indo-lyo, lyechiwia walya wekyekaa urukyenyi ilyiachikyia ifano lya indo lyilya, lyiwewoṙe ifaṟo lya ushu, nalyo lyikawaṙa moo.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.