2 Petiro 1:4 - Kivunjo New Testament 1999

⁴ Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.

2 Petiro 1:4 ပူးပေါင်းရင်းမြစ်များ

Waroma 9:4

Iwo wakyeri Waisiraelyi wawoṙe kulya ilago nyi wana, na kyiṟumi kyilya; na shiteṟio, na ienengo uwawaso, na iindia na iterewa Ruwa, na shaasa shakye.

2 Wakorinto 1:20

Kyipfa shaasa shoose sha Ruwa shikyeri kokye nyi “Yee.” Lyingyi-se kyipfa kya ikyo kokye oe nyi “Amen;” Ruwa naiṙime iṟumisho kui soe.

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Wakorinto 6:17

Koikyo, “Wukyenyi kyiiṙi kyawo, mukae kuleshi nawo, Mndumii nagamba, Maa mulapaaye kyindo kyifanyi, na inyi ngyemuambilyia.

Wagalatia 3:16

Kyasia Abrahamu naleenengo shaasa hamwi na ulya alemfee. Aigamba, “Ko walya alefee” cha ilyi nyi wafoi-pfo, indi cha ilyi nyi umwi, “Ko ulya ochimfee,” kyimwi na igamba Kristo.

Wagalatia 6:8

Kyipfa ulya awaaya kui mmbiu okye, mmbiunyi okye nechisambuo wunyamaṟi; indi ulya awaaya kui Mumuyo, Mumuyonyi nechisambuo moo o mlungana.

Wafilyipi 4:13

Mṟasa na soe loose luiṙime iwa mbumbu imwi kui iiṙikyia na imanya mnu Mana o Ruwa, mṟasa iwa wandu waafutsie kyiiṙikyia, na wapfulukyie cha Kristo.

Wakolosai 3:10

mochiṟaa mkaṟo mhya. Ikyi nyikyo kyindo kyihya Ruwa ulya alekyigumba aikyigumba orio mfiri kui mfano okye, kundu namuenengye pfinya ya immanya nakamwi.

Waebrania 12:10

Kyasia chi nanga mnu ikaa wuchilyinyi wo Awu o mrima na iwaṙa moo?

Waebrania 9:15

Na kyipfa kya ikyo nyi ulya ekyeende Mma Mhya, Yesu ulya alepfa, na ipfa lyakye lyilewuta wandu maṙekonyi ga mma ulya o kuwooka, wandu walelago waambilyie kyaasa kya kyioṟa kya mlungana.

Yakobo 1:27

Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

2 Petiro 3:13

Kyaindi chandu kyikyeri kyaasa kyakye, luiweṙelyia ruwewu ngyihya na uruka luhya, shikyeri kye wusumganyi wochikaa kyiiṙi kyasho.

2 Petiro 3:9

Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.

1 Yohane 2:25

Na ikyi nyikyo kyaasa aleluenenga, moo o mlungana.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.