2 Petiro 1:3 - Kivunjo New Testament 1999

³ Cha kyipfa wuiṙimi wokye wo kyiRuwa wuleluenenga shindo shoose shiwaṟi moo na iowuo hamwi na iindia Ruwa, kui immanya oe alelulaga kui mng'ano okye na wucha wokye amonyi.

2 Petiro 1:3 ပူးပေါင်းရင်းမြစ်များ

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Waroma 9:24

Nyi soe-ng'u alelulaga. Chi wandu wai Wayuda tikyi-pfo, indi na wandu walai Wayuda taa.

1 Wakorinto 1:9

Ruwa nekyeafutsia shilya agamba, ulya alemulaga nyoe mukae handu hamwi na Mono-kye, Yesu Kristo Mndumii oṙu.

2 Wakorinto 12:9

Na oe kangyiwia, “Isaṟia lyako lyikushikyie; kyipfa wuiṙimi woko wokyeafukyia wufofonyi.” Kyasia ngyekushelyia wufofo woko kui sia ing'anyi, kundu wuiṙimi wo Kristo wukae na inyi.

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Wafilyipi 4:4

Mmbiu umwi, na Mumuyo umwi, chandu mulewelago ikusurienyi lyimwi lya kyilya mulelagio.

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

Waefeso 4:8

Naaho-ng'u, wana wa wama, kyindo kyoose kyikyeri kya loi, kyoose kyilai kya sonu, kyoose kyikyeri kya wusumganyi, kyoose kyilawoṙe ukoe, kyoose kyechihiṟa, kyoose kyiwoṙe kyiṟumi kyicha; kokooya kuwoṙe wucha woose, kukowaṙa kyiṟumi kyoose kyicha, kusaṟenyi kyipfa kya shindo sha mbaṟe-yo.

Wakolosai 1:16

Cha kyipfa kyiiṙi kyakye shindo shoose shilegumbo; shikyeri ruwewu na shikyeri urukyenyi, shekyewono na shilekyewono; kokooya nyi shiṙi sha mng'ano, ang'u wumangyi, ang'u wuchilyi; shindo shoose shilegumbo kui njia yakye na kyipfa kyakye.

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

1 Watesalonikye 4:7

Kyipfa Ruwa alelulagia wuṟui-pfo, indi luwe wandu wawailyishe.

2 Watesalonikye 2:14

alemulagia nyoe kui Ndumi Ngyicha yaṙu, kundu luambilyie mng'ano o Mndumii oṙu Yesu Kristo.

1 Timoteo 4:8

Cha kyipfa ikuichiwiṟa iwaṙa pfinya tsa mmbiu kuwoṙe kyiira kyitutu, kyaindi iowuo na ikunda Ruwa shindonyi shoose nyi kyindo kyicha. Kyimwi na igamba, nuwoṙe kyiteṟio kya moo o wulalu, na ulya ochikouipfo mfiri-yo iicha.

2 Timoteo 1:9

Ulya alelukyiṟa kalulaga kui ndago ngyiele; chi iṙuana na mawuto gaṙu soe-pfo; indi na kyilya oe akundi na isaṟia lyakye. Isaṟia-lyo luleenengo kyiiṙi kya Kristo Yesu wookyia mlungana.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

1 Petiro 1:15

indi chandu ulya alemulaga nyoe ai mweele, nyoe na nyoe wenyi waele mkaṟonyi onyu oose.

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.

1 Petiro 2:21

Cha kyipfa nyiwo mulelagio; kyipfa Kristo na oe nalelyiso wukyiwa kyipfa kyanyu, kamuṙeea mfano, muoshe ndifo tsakye.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

1 Petiro 3:9

Wandu mulekyetaa kyiṟaache ang'u ilahia ulya amulahia indi wandu wekyewikyia mboṟa; cha kyipfa isho nyisho mulelagio kundu muoṟe mboṟa.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

2 Petiro 1:10

Koikyo wana wa wama, pfuṟukanenyi ngoseṟa ikarisha ilago lyanyu na isambuṟo lyanyu; kyipfa mukowuta isho mochikapa ṙende-pfo.

2 Petiro 1:2

Isaṟia lyikae konyu na ufoṟo luengyeṟo kyiiṙi kya imanya Ruwa na Yesu Mndumii oṙu.

2 Petiro 1:5

Yee, na kyipfa kya ikyo mochipfuṟukana mnu ura lonyu, iiṙikyienyi lyanyu, wikyenyi ho na wucha, na wuchenyi wonyu wuṟango.

2 Petiro 1:6

Na wuṟangonyi wonyu meena, na meenenyi onyu wusimiri; na wusimirinyi wonyu iowuo na iindia Ruwa.

2 Petiro 1:8

Kokooya shindo sha mbaṟe-i-iyi shakaa konyu na iingyikyi, shemuenenga nyoe iwaṙa wuragari na ikumbia ndunda ngyicha, kui imanya Mndumii oṙu Yesu Kristo.

2 Petiro 2:20

Cha kyipfa walya walemṙicha mawicho ga wuyana kui imanya Mndumii na Mkyiṟa Yesu Kristo, kokooya wawoṙo-se na iwingo, mbaṟe yawo ya mafurumionyi gawo nyi ingyiwicho kuta iya ya kuwooka.

2 Petiro 3:18

Kyaindi ng'anenyi isaṟienyi, na kyiiṙi kya imanya Mndumii oṙu na Mkyiṟa Yesu Kristo. Mng'ano ui kokye wulalu na mlungana.