1 Yohane 5:6 - Kivunjo New Testament 1999

⁶ Ichu nyi oe alecha kui mṟinga o wupatiso wokye na samu, Yesu Kristo; chi kui mṟinga tupu-pfo, indi kui mṟinga na kui samu. Na Mumuyo nyi oe ekyeṟingyishia, cha kyipfa Mumuyo nyi oe loi.

1 Yohane 5:6 ပူးပေါင်းရင်းမြစ်များ

Matayo 26:28

cha kyipfa iyi nyi samu yako ya mma, ipusuka kyipfa kya wafoi ko iwuto wunyamaṟi.

Matayo 3:16

Na Yesu ampatiso cha ilyi kaṙo iwuka kulya mṟingyenyi; na mapuchi gakaseia, kawona Mumuyo o Ruwa echisokyia wuye yakye cha mbeta.

Mariko 14:24

Kawawia, “Iyi nyiyo samu yako ya mma, ipusuka kyipfa kya wafoi.

Luka 22:20

Kyiṙoo nakyo na wuṙo amlye; kagamba, “Kyiṙoo-kyi nyi mma mhya samunyi yako, ipusuka kyipfa kyanyu.

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:13

Kyaindi kyiyeri oe echicha, Mumuyo-cho o loi, nechimusongoya, namushukuye wuloi woose; cha kyipfa echiṙeṙa kui wuchilyi wokye amonyi-pfo, indi shoose echiicho neshionguo, na shindo shiicha nechimuongoya mbonyi tsakye.

Yohane 3:5

Yesu kamgaluo, “Ny'kyaloi, ngakuwia, mndu alandefeo kui mṟinga na Mumuyo echiiṙima iiṙa na Wumangyinyi wo Ruwa-pfo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 6:55

Cha kyipfa mmbiu oko nyi kyelya kya loi, na samu yako nyi kyindo kyenyo kya loi.

Mawuto Ga Wasu 8:36

Wakaengyeṟa iyenda, wakashika handu hawoṙe mṟinga. Mndu ulya o Kushi kagamba, “Kyeambuya mṟinga-chu; ny'kyikyi kyingyishingyia ngyilapatiso?”

Waroma 3:25

Ichu Ruwa amwummbikye nawe kyisanza kui njia ya iiṙikyia samunyi yakye, kundu naloṟe wusumganyi wokye, kyipfa kya ilekyia wusimirinyi wo Ruwa maṙeko goose galesonguo iwuto.

Wafilyipi 1:7

Kyiiṙi kyakye kui samu yakye, luwoṙe wukyiro woṙu, ihooṟio wunyamaṟi, iṙuana na isaṟia lyakye lying'anyi.

Wakolosai 1:4

wookyia luleicho mbonyi tsa iiṙikyia lyanyu kyiiṙi kya Kristo Yesu, na ikunda muwoṙe ko wandu wa Ruwa woose.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Tito 3:5

Chi kyipfa kya mawuto ga wusumganyi lulewuta soe-pfo; indi kui isaṟia lyakye, kui isanjo na ifeo lya kawi na kui iwa wahya Mumuyonyi Mweele.

Waebrania 10:29

Muwonyi kuṙa? Kyiwemmbaṟi ngapo ing'anyi ngoseṟa mndu ulya alemina Mono-Ruwa, na igamba kye samu iya ya mma ilemuilyisha chi kyindo-pfo, na ilahia Mumuyo o isaṟia-pfoe?

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

Waebrania 9:7

Kyaindi kyiiṙi kya tengo-lyo lya kawi Mkohanyi ang'anyi kuta woose nekyeiṙa napfo amonyi, lyimwi orio maka; aṙuṙe samu iwukyie kyindonyi kya kyiṙaso kyipfa kya wunyamaṟi wokye amonyi na wo wandu wengyi kyiyeri walalemanya kye kyilya waweiwuta nyi wunyamaṟi.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.

1 Petiro 3:21

Mfano o shindo-sho nyi wupatiso, wokyemukyiṟa nyoe taa mfiri ya wulalu; (chi kui iwikyia kuleshi ukoe o mmbiu-pfo, indi kyaasa kyilya lokyewikyia Ruwa kya iafutsia shilya loteṟia, lukyeri wandu wekyeosha Yesu), kui iṟuka lya Yesu Kristo.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

1 Yohane 4:10

Ilyi nyilyo ikunda, chi kye soe lulekunda Ruwa-pfo, indi kye oe nalelukunda soe kaṙuma Mono-kye iwa mndu moluhooṟia ngyuunyamaṟi tsaṙu.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.

Ulogo 7:14

Ngamgaluo, ngammbia, “Mndumii oko, nuichi iyoe.” Kangyiwia, “Iwo nyiwo wawukyie kulya wukyiwenyi wung'anyi, nawo wasanjie nguwo tsawo, na itsiilyiṟa peṟu samunyi ya Kyiondo kya Ruwa.