1 Yohane 5:18 - Kivunjo New Testament 1999

¹⁸ Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

1 Yohane 5:18 ပူးပေါင်းရင်းမြစ်များ

Matayo 5:37

Kyaindi maṙeṙo ganyu gawe yee, yee; ote, ote; kyipfa gaelewetsie igo gawukyie ko ulya mmbicho.”

Matayo 6:13

Na ulaluṙuo kyiyeshionyi, kyaindi ulukyiṟe ngyeṟo tsa ulya mmbicho. [Cha kyipfa Wumangyi nyi wopfo, na pfinya, na mng'ano, mṟasa mlungana. Amen.’ ”]

Yohane 1:13

Wandu-wa wawafee, chi kui pfinya tsa mndu, maa chi kui ikunda lya mmbiu, maa kui chandu mndu akundi-pfo, indi kui pfinya tsa Ruwa.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 15:4

Nyoe na inyi luwe kyindo kyimwi. Chandu mbaga ilechiiṙima ikumbia ndunda ilakuwoṙe msabibunyi; na wuṙo taa kyechiwa konyu mulandewe kyindo kyimwi na inyi.

Yohane 15:7

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Yohane 15:9

“Chandu Awu alengyikunda inyi, na chandu ngyilemukunda nyoe, kaenyi ikundenyi lyako.

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

Yakobo 1:27

Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Yohane 2:29

Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.

1 Yohane 3:9

Orio mndu amfee nyi Ruwa ekyewuta sha wunyamaṟi-pfo, kyipfa kyishari kyakye kyikyeri kokye; maa echiiṙima iwuta sha wunyamaṟi-pfo kyipfa namfee iwuka ko Ruwa.

1 Yohane 4:6

Soe luwoṙe mumuyo uwukyie ko Ruwa. Ulya aichi Ruwa nekyeluaṙanyia; ulya alawoṙe mumuyo uwukyie ko Ruwa ekyeluaṙanyia-pfo. Kyipfa kya ikyo luichi Mumuyo o loi, na mumuyo o wuṙetsi.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

1 Yohane 5:15

Na kokooya lomanya kye nekyeluaṙanyia, kyoose loterewa, luichi kye luwoṙe shilya lokyeterewa.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

1 Yohane 5:21

Wana wako, wikyienyi mrima yanyu kuleshi na mafano.

1 Yohane 5:4

Cha kyipfa orio mndu amfee nyi Ruwa nekyewinga wuyana; na kunu nyipfo iwinga lyiwingyie wuyana kui iiṙikyia-lyo lyaṙu.

Yuda 1:21

kuringyenyi ikundenyi lya Ruwa, kunu mochiweṙelyia iwonio wukyiwa lya Mndumii oṙu Yesu Kristo, mṟasa muambilyie moo o mlungana.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 2:13

Ngyiichi handu okyekaa. Nyi ho-ndu hawoṙe kyitima kya mng'ano kya Satana; na iyoe nuwoṙe mnu rina lyako, maa ulekana iiṙikyia lyako-pfo, maa mfiri ulya Antipa, mṟingyishi oko, mndu oko ekyeafutsia shilya ateṟia, alewoogo kyiiṙi kyanyu, halya-ndu Satana ekyekaa.