1 Yohane 5:10 - Kivunjo New Testament 1999

¹⁰ Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.

1 Yohane 5:10 ပူးပေါင်းရင်းမြစ်များ

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Yohane 3:18

Amwiṙikyie oe echianduyo-pfo; alaiṙikyie amwanduyo; cha kyipfa aiṙikyia rina lya Mana kyimuumwi o Ruwa-pfo.

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Yohane 5:38

Maa ulogo lokye lukyeri mrimenyi konyu-pfo, cha kyipfa nyoe muiṙikyie ulya oe alemṙuma-pfo.

Mawuto Ga Wasu 8:37

Filyipo kagamba, “Koiṙikyia kui mrima opfo oose, kyechiiṙimika.” Kagaluo, kagamba, “Ngaiṙikyia kye Yesu Kristo nyi oe Mana o Ruwa.”

Waroma 8:16

Mumuyo oe amonyi nekyeṟingyishia hamwi na mrima yaṙu, kye soe nyi wana wa Ruwa.

Wagalatia 4:1

Kyaindi ngagamba kye mokyioṟa, kyiyeri kyoose ai mana, nakyeri cha mtumo, kyiyeri awuye ammbiie kyindo echioṟa.

Wagalatia 4:6

Na kyipfa nyoe mowa wana, Ruwa naleṙuma Mumuyo o Mono-kye mrimenyi konyu, ekyegamba, “Aba,” kyimwi na igamba Awu.

Wakolosai 3:3

Cha kyipfa mulepfa, na moo onyu umṟikye hamwi na Kristo kyiiṙi kya Ruwa.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

2 Petiro 1:19

Na soe luiṙikyie necha shilya weonguo shisuku wagambie, shilya nyoe mukoshiambuya necha, cha taa ilyimika meemenyi, mowuta necha mṟasa kyiyeri kochikya na nyenyeri ya ngamenyi iwaa mrimenyi konyu.

1 Yohane 1:10

Lukogamba kye lunyamaṟie-pfo, lomgaluo oe mndu ekyeṙeṙa wongo, maa kyilya agamba kyikyeri koṙu-pfo.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

Ulogo 12:17

Injoka lyikasuo kyipfa kya mndu mka ulya, lyikayenda lyikakapana shiṙa na wandu wa kyishari kya mndu mka-cho waletsugaa, wekyeosha shilya mawawaso ga Ruwa gakundi na iwaṙa wuṟingyishi wo Yesu, na oe kagoṟoka mlelyenyi o ipalyipalyi.

Ulogo 2:17

Ulya awoṙe kuṙwi naicho mbonyi-tsi Mumuyo aiwia siṟi. Ulya mowinga ngyechimwenenga ṙombo lya Manna ingyiṟikye, na inyi ngyechimwenenga igoe lya uwiṟo, na wuye ya igoe-lyo hahaṟeie rina lyihya mndu alalyiichi sile ulya ailyiambilyia.’ ”

Ulogo 2:28

Na inyi ngyechimwenenga nyenyeri ya ngamenyi.