1 Yohane 5:1 - Kivunjo New Testament 1999

¹ Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

1 Yohane 5:1 ပူးပေါင်းရင်းမြစ်များ

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Luka 7:5

kyipfa nakundi mnu wandu waṙu na oe naleluwikyia sinagogi.”

Yohane 1:3

Shoose shilewutika kui oe; maa kuwoṙe kyindo kyileiṙima iwutika nja yakye-pfo.

Yohane 15:23

Ulya angyisuuye inyi nasuuye na Awu oko.

Yohane 3:3

Yesu kagaluo, kammbia, “Ny'kyaloi, ngakuwia, mndu alandefeo lya kawi echiiṙima iwona Wumangyi wo Ruwa-pfo.”

Yohane 6:69

Na soe lommbaṙa iiṙikyia; lyingyi-se lomanya kye iyoe nyi oe Mweele o Ruwa.”

Yohane 8:42

Yesu kawawia, “Kokooya Ruwa awekyeri awu onyu, muwengyikunda inyi; cha kyipfa ngyilewuka ko Ruwa, na inyi ngyilecha; maa ngyilecha kui ikunda lyako ngyimonyi-pfo, indi oe nyi oe alengyiṙuma.

Mawuto Ga Wasu 8:36

Wakaengyeṟa iyenda, wakashika handu hawoṙe mṟinga. Mndu ulya o Kushi kagamba, “Kyeambuya mṟinga-chu; ny'kyikyi kyingyishingyia ngyilapatiso?”

Mawuto Ga Wasu 8:37

Filyipo kagamba, “Koiṙikyia kui mrima opfo oose, kyechiiṙimika.” Kagaluo, kagamba, “Ngaiṙikyia kye Yesu Kristo nyi oe Mana o Ruwa.”

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

1 Yohane 2:10

Ulya akundi mono-wama okye, nekyekaa ngyeelenyi, maa mrimenyi kokye kuwoṙe kyindo kyetewe-pfo.

1 Yohane 2:29

Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 3:14

Soe luichi kye lomuiṙa iwuka upfunyi iiṙa na moonyi, cha kyipfa lukundi wana wa wama kyiiṙi kya Kristo. Ulya alakundi, nakyeri upfunyi.

1 Yohane 3:17

Kyaindi mndu kawaṙa kando ka kunu wuyanenyi, naaho kawona mono-wama okye alawoṙe kyindo, alamtarame, ngyesa ikunda lya Ruwa lyakaa kuṙa mrimenyi ko mndu-cho?

1 Yohane 3:9

Orio mndu amfee nyi Ruwa ekyewuta sha wunyamaṟi-pfo, kyipfa kyishari kyakye kyikyeri kokye; maa echiiṙima iwuta sha wunyamaṟi-pfo kyipfa namfee iwuka ko Ruwa.

1 Yohane 4:2

Kui ikyo muichi Mumuyo o Ruwa, orio mndu aiṙikyie kye Yesu Kristo nalecha ai cha mndu nawoṙe mumuyo uwukyie ko Ruwa.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

1 Yohane 4:7

Wakunde lukundane; cha kyipfa ikunda lyiwukyie ko Ruwa, na orio mndu awoṙe ikunda namfee nyi Ruwa; na oe naichi Ruwa.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

1 Yohane 5:4

Cha kyipfa orio mndu amfee nyi Ruwa nekyewinga wuyana; na kunu nyipfo iwinga lyiwingyie wuyana kui iiṙikyia-lyo lyaṙu.

1 Yohane 5:5

Awingyie wuyana nyi wui, sile nyi ulya aiṙikyie kye Yesu nyi Mono-Ruwa?