1 Yohane 4:3 - Kivunjo New Testament 1999

³ Na oṙio mndu alaiṙikyie Yesu awoṙe mumuyo uwukyie ko Ruwa-pfo. Na iyi nyiyo ngoo ya mowingana na Kristo, ngoo iya muleicho kye iicha; na wulalu yammbono wuyanenyi.

1 Yohane 4:3 ပူးပေါင်းရင်းမြစ်များ

Matayo 24:5

Cha kyipfa wafoi wechicha kui rina lyako, wechigamba, ‘Inyi nyi Kristo;’ nawo wechilemba wafoi.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 2:22

Nyi wui ai moṙeṙa wongo sile ulya ekyekana kye Yesu nyi Kristo? Icho nyi oe mowingana na Kristo, ulya ekyekana Awu na Mana.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.