1 Yohane 4:20 - Kivunjo New Testament 1999

²⁰ Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

1 Yohane 4:20 ပူးပေါင်းရင်းမြစ်များ

Yohane 13:35

Kuṙo wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.”

1 Petiro 1:8

Na oe mumkundi, maa chandu mulammbonyi; ulya maa chandu mulammbonyi wulalu, mumwiṙikyie; na ichihiyo mnu, kui sia ilekyewono, iwoṙe kyiṟumi.

1 Yohane 1:6

Lukogamba kye lukyeri handu hamwi na oe, kyaindi lukowaṙa mkaṟo ya meema, loṙeṙa wongo, maa luiwuta kyikyeri kya loi-pfo.

1 Yohane 1:8

Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.

1 Yohane 2:11

Indi ulya asuuye mono-wama okye nakyeri meemenyi, lyingyi-se naichumia meemenyi, maa aichi kundu aiyenda-pfo, cha kyipfa meema omgaluo kyipfupfuṟe.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 2:9

Ulya aigamba kye nakyeri ngyeelenyi, na oe nasuuye mono-wama okye, nakyeri meemenyi mṟasa wulalu.

1 Yohane 3:17

Kyaindi mndu kawaṙa kando ka kunu wuyanenyi, naaho kawona mono-wama okye alawoṙe kyindo, alamtarame, ngyesa ikunda lya Ruwa lyakaa kuṙa mrimenyi ko mndu-cho?

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.