1 Yohane 4:17 - Kivunjo New Testament 1999

¹⁷ Kyipfa kya ikyo ikunda lying'anyi lyikyeri koṙu, kundu luwaṙe wukari na wuṟango mfiri ulya o ianduyo; cha kyipfa, chandu oe akyeri, nyi wuṙo lukyeri na soe kunu wuyanenyi.

1 Yohane 4:17 ပူးပေါင်းရင်းမြစ်များ

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 11:22

Kyaindi ngammbia, kyechiwa kyaangu Tiro na Sidon ikarishia ngapo tsawo mfiri o ianduyo kuta nyoe.

Matayo 11:24

Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.”

Matayo 12:36

Kyasia ngammbia, ‘Orio ṙeṙo lyilawoṙe kyiira, wandu wechilyiṙeṙa, kyiwawaṟi iwia Ruwa kyimaṙuma kyelyiṙeṙa mfiri ulya o furumia.’

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Yohane 17:22

Na inyi mng'ano ulya ulengyienenga ngyilewaenenga; kundu wawaṙane tapu chandu soe luwaṙanyi tapu.

Waroma 8:29

Kyipfa walya awewaichi wookyia mawookyionyi, nalewasambuṟa wookyia mawookyionyi wafananyisho na mfano o Mono-kye, kundu oe nawe mmbele o wana wa wama wafoi.

Waebrania 9:27

Na chandu wandu wekyeṟeyeṟio ipfa lyimwi tupu, na numa ya ipfa ianduyo;

Yakobo 2:13

Kyipfa Ruwa echiwoṙo nyi fowa mrimenyi kyiyeri aianduya mndu alekyewoṙo nyi fowa mrimenyi-pfo. Kyipfa iwoṙo nyi fowa mrimenyi lying'anyi kuta ianduya.

Yakobo 2:22

Ommbona kye iiṙikyia lyilewuta maṟunda hamwi na mawuto gakye, na kye iiṙikyia lyilya lyileafutsio kui njia ya mawuto galya.

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

2 Petiro 3:7

Kyaindi ngyina tsa wulalu na uruka shingyikoome kyiseyesoe kui moṙo, kui Ṙeṙo-lyo ilyo, shechiringo mṟasa mfiri o ianduyo, na kui irumara lya wandu walaiṙikyie Ruwa.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.

1 Yohane 2:5

Kyaindi ulya ekyeosha malosho ga Ṙeṙo lyakye, icho mrimenyi kokye ikunda lya Ruwa lyikyeri pfo loi. Kyipfa kya ikyo luichi kye luwalungye na oe.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 3:3

Na orio mndu awoṙe ikusuria-lyi kui Kristo nekyekuilyisha, chandu oe akyeri mweele.

1 Yohane 3:7

Wana wako, mndu alamulembe. Mndu ekyewuta sha wusumganyi nawoṙe wusumganyi, chandu Kristo awoṙe wusumganyi.

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.