1 Yohane 4:14 - Kivunjo New Testament 1999

¹⁴ Na soe lowona na iṟingyishia kye Awu naleṙuma Mana iwa Mkyiṟa o wuyana.

1 Yohane 4:14 ပူးပေါင်းရင်းမြစ်များ

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:29

Ilya-ngama kawona Yesu echicha na kokye, kagamba, “Aikyi Kyiondo kya Ruwa, kyechiwuta ngyuunyamaṟi tsa wuyana!

Yohane 10:36

ngyesa ulya Awu alemwilyisha, kamṙuma wuyanenyi, nyoe mummbia ‘Nulahia Ruwa’ cha kyipfa ngyilegamba, ‘Inyi nyi Mono-Ruwa?’

Yohane 12:47

Na mndu kaicho malosho gako alagaoshe, inyi ngyechimwanduya-pfo; kyipfa ngyilecha kundu ngyianduye wuyana-pfo, indi ngyikyiṟe wuyana.

Yohane 3:11

Ny'kyaloi ngakuwia kye, kyilya lukyiichi lukyionguo, na kyilya lulekyiwona lukyiṟingyishia. Kyaindi maa wuṟingyishi woṙu muwuiṙikyia-pfo.

Yohane 3:32

Shilya aleshiwona na ishiicho nyisho aiṟingyishia, kyaindi maa kuwoṙe mndu aiiṙikyia wuṟingyishi wokye-pfo.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Yohane 4:42

Wakawia mndu mka ulya, “Wulalu loiṙikyia, maa chi kyipfa kya maṙeṙo gapfo tupu-pfo, maa soe loicho luwenyi. Lyingyi-se luichi kye kyaloi ichu nyi oe Mkyiṟa o wuyana.”

Yohane 5:39

Mokyekulosha mbonyi tsa shiṟeio shiele, cha kyipfa mokyekusaṟa kye kyiiṙi kyasho mochiwona moo o mlungana; na shiṟeio-sho shagamba mbonyi tsako.

Mawuto Ga Wasu 18:5

Na Sila na Timoteo wamsokye iwuka Makyedonia, Paulo alawute kyindo kyingyi kyoose sile iṟingyishia Wayuda kye Yesu nyi Kristo.

1 Petiro 5:12

Silyiwano, mono-wama ekyeafutsia shilya ateṟia, naṟeia paruo-i handu hako. Ngamuṟeia shindo shaangu, iikyimbia na iṟingyishia kye ilyi nyilyo isaṟia lya loi lya Ruwa. Goṟokyenyi isaṟienyi lya Ruwa kulawoṙe iloloma.

1 Yohane 4:10

Ilyi nyilyo ikunda, chi kye soe lulekunda Ruwa-pfo, indi kye oe nalelukunda soe kaṙuma Mono-kye iwa mndu moluhooṟia ngyuunyamaṟi tsaṙu.

1 Yohane 5:9

Lukoambilyia wuṟingyishi wo wandu, wuṟingyishi wo Ruwa nyi wung'anyi ngoseṟa; cha kyipfa wuṟingyishi wo Ruwa nyiwo iwu, kye naṟingyishia Mono-kye.