1 Yohane 4:12 - Kivunjo New Testament 1999

¹² Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.

1 Yohane 4:12 ပူးပေါင်းရင်းမြစ်များ

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

1 Wakorinto 13:13

Kyasia, wulalu hatsugaa iiṙikyia, ikusuria na ikunda; ishi shiṟaaṟu, na kyiiṙi kya isho kying'anyi kuta shoose nyi ikunda.

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

1 Timoteo 6:16

Ulya alekyepfa, akyeri ngyeelenyi ilekyeiṙima irumisho; maa kulawoṙe mndu alemummbona, maa eiṙima immbona. Kyiyeri kyoose naenengo kyiṟumi na pfinya mṟasa mlungana. Amen.

Waebrania 11:27

Kui iiṙikyia kawuka Misiri, alaowuoe nyashi ya mangyi, kyipfa nalekarishia cha mndu awonyi ulya alekyewono.

1 Yohane 2:5

Kyaindi ulya ekyeosha malosho ga Ṙeṙo lyakye, icho mrimenyi kokye ikunda lya Ruwa lyikyeri pfo loi. Kyipfa kya ikyo luichi kye luwalungye na oe.

1 Yohane 3:24

Na oe ekyeosha shilya mawawaso gakye gagamba namlungye na Ruwa, na Ruwa namlungye na oe. Na kyipfa kya Mumuyo ulya Ruwa aleluenenga luichi kye Ruwa namlungye na soe.

1 Yohane 4:16

Na soe lomanya ikunda Ruwa awoṙe koṙu soe, na ilyiiṙikyia. Ruwa nyi ikunda, na ulya ekyekaa ikundenyi, nekyekaa ko Ruwa, na Ruwa nekyekaa kokye.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

1 Yohane 4:6

Soe luwoṙe mumuyo uwukyie ko Ruwa. Ulya aichi Ruwa nekyeluaṙanyia; ulya alawoṙe mumuyo uwukyie ko Ruwa ekyeluaṙanyia-pfo. Kyipfa kya ikyo luichi Mumuyo o loi, na mumuyo o wuṙetsi.