1 Yohane 4:1 - Kivunjo New Testament 1999

¹ Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

1 Yohane 4:1 ပူးပေါင်းရင်းမြစ်များ

Mariko 13:21

Na kyiyeri-kyo mndu kammbia, ‘Kristo nakyeri iha’, ang'u ‘nakyeri kulya’, maa mulaiṙikyie.

Luka 12:57

“Ny'kyilyi nyoe muwenyi kui mrima yanyu mulekyeṙumbuo iwuta shikyeri sha sungusinyi?

Luka 21:8

Kagamba, “Ambuyenyi, mulachelembo, cha kyipfa wafoi wechicha kui rina lyako, wechigamba, ‘Inyi nyi oe.’ Lyingyi-se, ‘Kyiyeri kyamshika.’ Kyasia, maa mulawaoshe.

Mawuto Ga Wasu 17:11

Wandu-wa wawewoṙe ngaruo cha walya wa Tesalonikye-pfo, cha kyipfa waleambilyia ndumo iya kui mrima mkyesi, wakakulosha shiṟeio shiele orio mfiri, kundu wamanye kokooya mbonyi na wuṙo tsikyeri chandu Paulo alewawia.

Mawuto Ga Wasu 20:29

Ngyiichi kye ngammbuka iha, wandu walang'a cha shisii wechicha na konyu, wanyamaṟe Siṟi.

1 Wakorinto 12:10

Na ungyi mawuto ya maṟiyisho; na ungyi ionguo shisuku na ungyi wuiṙimi wo manya nyi shisumbo shiha shiwukyie ko Mumuyo na nyi shiha shilawukyie ko Mumuyo; ungyi mbaṟe tsa mṙeṙie wandu walaiichi; na ungyi itambaluo mṙeṙie wandu walaiichi.

1 Wakorinto 14:29

Na weonguo shisuku waṙeṙe wawi, ang'u waṟaaṟu, na wengyi watambuluo.

1 Watesalonikye 5:20

mulamine ionguo shisuku;

1 Watesalonikye 5:21

yeshenyi shindo shoose; wutenyi kyilya kyikyicha.

2 Watesalonikye 2:2

kye maa mulaiṟewe iwinyi mṟasa iṙa iwuta kyilya mukundi, maa mulaowesho, kui mumuyo, maa kui ṙeṙo, maa kui paruo ikusaṟo kye nyi yaṙu, cha ilyi kye mfiri Mndumii aicha lya kawi ulemcha.

1 Timoteo 4:1

Kyasia Mumuyo naiṙeṙa na pata kye shiyeri sha mafurumionyi wandu wengyi wechikuletsana na iiṙikyia, wechiaṙanyia mumuyo ngyiwicho yekyelemba, na malosho ga wandu waikuloṟa cha ilyi wawoṙe Mumuyo o Ruwa kyaindi wawachilyie nyi Satana.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

2 Petiro 2:1

Kyaindi kulewuka weonguo shisuku wa wongo kyiiṙi kya wandu walya, chandu na konyu kochiwuka walosha wa wongo, wechiende kui wuṟango wo wuṙetsi malosho mawicho, wechilega maa Mndumii ulya alewakyiṟa, wechikuendie inyamaṟo lyiwukyie ko Ruwa.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 2:7

Wakunde, ngyimuṟeia iwawaso lyihya-pfo, kyaindi iwawaso lya kacha muwekyeri nalyo wookyia mawookyionyi. Na iwawaso-lyo lya kacha nyi mbonyi tsilya muleicho.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.

3 Yohane 1:11

Mkunde, ulakunde wuwicho, indi kunda wucha. Ulya ekyewuta wucha nyi o Ruwa, indi ulya ekyewuta mawicho alandewone Ruwa-pfo.

Ulogo 2:2

Ngyiichi mawuto gapfo, na wukyiwa wopfo, na iweṙelyia lyapfo, na kye oiṙima ikaa na wandu wawicho-pfo. Lyingyi-se nuleyesha walya wekyegamba kye wo nyi wasu, nawo chi wasu-pfo, kowona kye wekyeṙeṙa wongo.