1 Yohane 3:8 - Kivunjo New Testament 1999

⁸ Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

1 Yohane 3:8 ပူးပေါင်းရင်းမြစ်များ

Matayo 12:28

Kyaindi inyi ngafuna waṟufui wawicho kui Mumuyo o Ruwa, kyasia Wumangyi wo Ruwa wommaa icha na konyu.

Matayo 13:38

Ṙema-lyo nyi wuyana. Mbeu tsilya ngyicha nyi wana wa Wumangyi wo ruwewu, na makacha-go nyi wana wa mmbicho ulya.

Matayo 4:3

Myeshi kacha na kokye kammbia, “Kokooya iyoe nyi mana o Ruwa, wia magoe-ga gawe mkate.”

Mariko 1:24

echigamba, “Luwoṙe kyi na iyoe, Yesu o Nasareti? Ngyesa nocha ilurumatsa?

Luka 10:18

Kawawia, “Ngyilewona Satana, echioloka iwuka ruwewu cha mbawa.

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 16:11

Kye wechianduyo kyipfa Satana, mchilyi o wuyana-wu, amwanduyo.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 16:20

Na Ruwa o ufoṟo nechirumatsa Satana wanda ya maṙende ganyu iwinyi. Isaṟia lya Mndumii oṙu Yesu Kristo lyikae hamwi na nyoe [Amen.]

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

Wakolosai 2:15

amsokye wachilyi wa meema wumangyi na wuchilyi wowo, na iwamichia numa yakye kui wukari kundu orio mndu nawone, echiloṟa chandu alewawingyia msalabenyi.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 9:26

Kokooya nyi wuṙo, kyiwemmbaṟi ilyiso wukyiwa kafoi wookyia wuyana wulagumbo. Kyaindi wulalu, lyimwi tupu, mafurumionyi ga shiyeri, nawoneka lya kuwooka na lya mafurumionyi, ihooṟia ngyuunyamaṟi kui kyiṙaso kya mrima okye.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

1 Yohane 1:2

(Na moo-cho uleloṟo, na soe luleuwona; lyingyi-se luiṟingyishia, na imuongoya nyoe moo ulya o mlungana, uwekyeri ko Awu, ukoloṟo koṙu.)

1 Yohane 3:10

Kyipfa kya ikyo wana wa Ruwa waichio na pata, na wana wa Mokyiriinzi taa. Mndu oose alekyewuta sha wusumganyi awukyie ko Ruwa-pfo, maa ulya alakundi mono-wama okye.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.

Ulogo 20:15

Na kokooya mndu oose alalewono amṟeie kyitapunyi kya moo, nalewiyitso kulya iruwenyi lya moṙo.