1 Yohane 3:24 - Kivunjo New Testament 1999

²⁴ Na oe ekyeosha shilya mawawaso gakye gagamba namlungye na Ruwa, na Ruwa namlungye na oe. Na kyipfa kya Mumuyo ulya Ruwa aleluenenga luichi kye Ruwa namlungye na soe.

1 Yohane 3:24 ပူးပေါင်းရင်းမြစ်များ

Yohane 10:38

Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 17:21

Woose wawaṙane tapu; chandu iyoe, Awu, ukyeri kyindo kyimwi na inyi, na inyi kyindo kyimwi na iyoe; iwo nawo wawe kyindo kyimwi na soe; kundu wandu wa wuyana waiṙime iiṙikyia kye nyi iyoe ulengyiṙuma.

1 Wakorinto 3:16

Muichi kye nyoe mowa hekalu lya Ruwa, na kye Mumuyo o Ruwa nekyekaa mrimenyi konyu?

1 Wakorinto 6:19

Ang'u muichi kye mmbiu yanyu nyi hekalu lya Mumuyo Mweele akyeri mrimenyi konyu, muleenengo nyi Ruwa-pfoe? Maa nyoe chi masaa ganyu muwenyi-pfo;

2 Wakorinto 6:16

Lyingyi-se hawoṙe iiṙikyiana lya mbaṟe iha kyiiṙi kya hekalu lya Ruwa na ifano? Cha kyipfa soe nyi hekalu lya Ruwa akyeri na moo; chandu Ruwa alegamba kye, “Ngyechikaa mrimenyi kowo na ichumia kyiiṙi kyawo na inyi ngyewa Ruwa owo, nawo wechiwa wandu wako.”

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.

2 Timoteo 1:14

Ringa kyindo kyilya kyicha kui Mumuyo Mweele ekyekaa mrimenyi koṙu.

1 Yohane 2:24

Kyasia nyoe, ikyo mulekyiicho wookyia mawookyionyi, kyikae mrimenyi konyu. Kokooya ikyo mulekyiicho wookyia mawookyionyi kyikyeri mrimenyi konyu na nyoe mochikaa ko Mana, na ko Awu.

1 Yohane 2:3

Na kyipfa kya ikyo luichi kye lomanya Ruwa, kokooya loosha shilya mawawaso gakye gagamba.

1 Yohane 2:5

Kyaindi ulya ekyeosha malosho ga Ṙeṙo lyakye, icho mrimenyi kokye ikunda lya Ruwa lyikyeri pfo loi. Kyipfa kya ikyo luichi kye luwalungye na oe.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.

1 Yohane 3:22

Na orio kyindo loterewa lochikyiambilyia kokye, cha kyipfa lokyeosha shilya mawawaso gakye gakundi, na iwuta shichihiṟie mbele yakye.

1 Yohane 4:7

Wakunde lukundane; cha kyipfa ikunda lyiwukyie ko Ruwa, na orio mndu awoṙe ikunda namfee nyi Ruwa; na oe naichi Ruwa.