1 Yohane 3:22 - Kivunjo New Testament 1999

²² Na orio kyindo loterewa lochikyiambilyia kokye, cha kyipfa lokyeosha shilya mawawaso gakye gakundi, na iwuta shichihiṟie mbele yakye.

1 Yohane 3:22 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 21:22

Na shoose mochishiterewa kyiterewonyi mochiiṙikyia, mochiambilyia.”

Mariko 11:24

Kyipfa kya ikyo ngammbia, orio kyoose moterewa ilyi muiterewa iṙikyienyi kye moshiambilyia, nasho shechiwa shanyu.

Yohane 14:13

Na nyoe, mukoterewa kyindo kyoose kyipfa mukyeri wanalosho wako, ikyo ngyechikyiwuta, kundu Awu nang'anyiso kyiiṙi kya Mana.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 15:7

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Yohane 6:29

Yesu kagaluo, kawawia, “Ilyi nyilyo iṟunda lya Ruwa, mumwiṙikyie ulya aleṙumo nyi oe.”

Yohane 8:29

Na ulya alengyiṙuma nakyeri hamwi na inyi; angyiṙeeye ngyimonyi-pfo; cha kyipfa mfiri yoose ngyekyewuta shilya shimchihiṟie.”

Yohane 9:31

Luichi kye Ruwa ekyeaṙanyia wanyamaṟi-pfo; indi mndu kawa naowuye na ikunda Ruwa, na iosha kyilya Ruwa akundi, Ruwa nekyemwaṙanyia.

Mawuto Ga Wasu 17:30

“Kyasia, kyiyeri kyilya kya kacha kya wutondo Ruwa nalewa cha ilyi alawonyi; indi wulalu naiwia wandu woose wa orio handu waṙumbuye wunyamaṟi.

Mawuto Ga Wasu 20:21

ngyechiṟingyishia Wayuda na Wakyiṟikyi watochie Ruwa wunyamaṟi na iiṙikyia Mndumii oṙu Yesu Kristo.

Waefeso 4:18

Kyaindi ngyiwoṙe shindo shoose na ielewetsa; lyingyi-se ngyiichuo pacha. Ngyileambilyia ko Epafurodito shindo shoose shilewuka konyu, mpfaamo o shindo shekyepfaama necha, kyienengo kyikyiiṙikyie na kyichihiṟie Ruwa.

Wakolosai 1:10

Mukae chandu Mndumii akundi, mochimchihiṟa piu; mochikumbia ndunda kui orio iṟunda lyicha, na iengyeṟika wuṟangonyi wo Ruwa.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 4:3

Muiterewa mulawone cha kyipfa muiterewa uwicho, kundu muṟunde nasho ko lango tsanyu.

Yakobo 5:16

Tochianenyi ngyuunyamaṟi tsanyu nyoe wenyi ko wenyi, na iterewiana, muiṙime ikyiṟo. Iterewa lya mndu msumganyi lyiwoṙe kyiira mnu.

1 Yohane 2:3

Na kyipfa kya ikyo luichi kye lomanya Ruwa, kokooya loosha shilya mawawaso gakye gagamba.

1 Yohane 5:14

Na iwu nyiwo wukari na wuṟango luwoṙe kokye, kye lukoterewa kyindo chandu akundi, nekyeluaṙanyia.