1 Yohane 3:16 - Kivunjo New Testament 1999

¹⁶ Kui ikyo lomanya ikunda, cha kyipfa Kristo nalereka moo okye kyipfa kyaṙu. Kyiluwaṟi na soe ireka moo oṙu kyipfa kya wana wa wama-wo.

1 Yohane 3:16 ပူးပေါင်းရင်းမြစ်များ

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Yohane 10:11

“Inyi nyi mlyisi mcha. Mlyisi mcha nekyereka moo okye kyipfa kya moondo.

Yohane 10:15

chandu Awu angyiichi na chandu ngyiichi Awu. Na inyi ngyekyereka moo oko kyipfa kya moondo.

Yohane 13:34

Ngyimuenenga iwawaso lyihya: ‘Mukundane.’ Chandu ngyilemukunda nyoe, na nyoe mukundane wuṙo.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Waroma 16:4

wawekuṟeyeṟie maa iwoogo kyipfa kyako. Iwo ngyiwaana, maa chi inyi tikyi-pfo, indi na siṟi tsa wandu woose walakyeri Wayuda taa. Ngyiiṟikyiṟienyi na siṟi ikyeri numbenyi kowo.

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

2 Wakorinto 4:12

Kyasia iho upfu lokyeṟunda, mrimenyi koṙu, indi moo mrimenyi konyu.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Wafilyipi 5:25

Lanyoe wasoṟo, kundenyi waka wanyu, chandu Kristo na oe alekunda Siṟi, kareka moo okye kyipfa kyayo;

Waefeso 2:17

Yee, maa kokooya ngyechiwoogo na kuṙo ngyiwe cha samu yawuto iwe kyiṙaso kyilya iiṙikyia lyanyu lyekyeenenga Ruwa. Ngachihiyo; lyingyi-se ngachihiyo hamwi na nyoe moose.

Waefeso 2:30

Cha Kyipfa kyipfa kya iṟunda lya Kristo nalekyiṟe-pfa; na nalewuta isho shoose kundu ngyienengo kyitarama nyoe mulaleiṙima ingyienenga.

1 Watesalonikye 2:8

Na wuṙo na soe lochiṙuana na nyoe kui ikunda lying'anyi, lulewoṙo nyi sia imuenenga, chi Ndumi Ngyicha tupu-pfo, indi na moo yaṙu taa, cha kyipfa mowa wakunde waṙu.

Tito 2:13

Lochiambuya ikusuria lyiwoṙe mboṟa na iloṟo kyiṟumi kya Kristo Yesu, Ruwa ang'anyi na Mkyiṟa oṙu;

1 Petiro 1:18

Na nyoe manyenyi kye mulekyiṟo chi kui shindo shekyenyamaṟika cha heleri ang'u sahapu-pfo; muiṙime iwuka mkaṟonyi onyu ulawoṙe kyiira muleuambilyia ko waku wanyu;

1 Petiro 2:24

Oe amonyi naleṙuo ngyuunyamaṟi tsaṙu mmbiunyi kokye msalabenyi o wunyamaṟi na ikaa chandu Ruwa akundi; kyipfa Kristo alekapio msalabenyi nyoe mowaṙa moo o kyimrima.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.

1 Yohane 2:9

Ulya aigamba kye nakyeri ngyeelenyi, na oe nasuuye mono-wama okye, nakyeri meemenyi mṟasa wulalu.

Ulogo 1:5

Lyingyi-se shiwukyie ko Yesu Kristo, mṟingyishi ekyeafutsia shilya ateṟia, mmbele o wapfu, na ang'anyi o wamangyi wa wuyana. Ulya alukundi na ilusanja ngyuunyamaṟi tsaṙu samunyi yakye,

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.