1 Yohane 3:15 - Kivunjo New Testament 1999

¹⁵ Orio mndu mosuo mono-wama okye nyi mmbaagi; na nyoe muichi kye orio mmbaagi awoṙe moo o mlungana mrimenyi kokye-pfo.

1 Yohane 3:15 ပူးပေါင်းရင်းမြစ်များ

Matayo 5:28

Kyaindi inyi ngammbia orio mndu aambuya mndu mka kui imlanga, amumṟuguya ipfo mrimenyi kokye.

Mariko 6:19

Na Herodia naweimwotia, kapfula immbaaga, alaiṙime.

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Mawuto Ga Wasu 23:12

Kyiyeri kulekya Wayuda wakawaṙa kyama, wakalya nyamu kye wechilya maa inyo kyindo kyoose mṟasa wawaage Paulo-pfo.

Mawuto Ga Wasu 23:14

Nawo wakayenda ko wang'anyi wa makohanyi na wasongoru wa wandu, wakagamba, “Lolya nyamu, lulalye kyindo maa inyo kyindo kyoose mṟasa luwaage Paulo.

Yakobo 1:15

Numa ya iho lango ngyiwicho tsekyeende wunyamaṟi, na wunyamaṟi wukomng'ana wokyeende upfu.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Yohane 2:11

Indi ulya asuuye mono-wama okye nakyeri meemenyi, lyingyi-se naichumia meemenyi, maa aichi kundu aiyenda-pfo, cha kyipfa meema omgaluo kyipfupfuṟe.

1 Yohane 2:9

Ulya aigamba kye nakyeri ngyeelenyi, na oe nasuuye mono-wama okye, nakyeri meemenyi mṟasa wulalu.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”