1 Yohane 3:14 - Kivunjo New Testament 1999

¹⁴ Soe luichi kye lomuiṙa iwuka upfunyi iiṙa na moonyi, cha kyipfa lukundi wana wa wama kyiiṙi kya Kristo. Ulya alakundi, nakyeri upfunyi.

1 Yohane 3:14 ပူးပေါင်းရင်းမြစ်များ

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Luka 15:24

Cha kyipfa mana-chu oko nawepfiie, na oe naṟuka; naweṙekyie, na oe nawono.’ Wakawooka ianga na ichihiyo.

Luka 15:32

Lyingyi-se, ichihiyo na ishina kyiwaṟi cha kyipfa mono-wama-chu opfo nawepfiie, na oe naṟuka; naweṙekyie, na oe nawono.’ ”

Luka 7:5

kyipfa nakundi mnu wandu waṙu na oe naleluwikyia sinagogi.”

Yohane 13:35

Kuṙo wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.”

Yohane 15:12

Iwawaso lyako nyi ilyi, mukundane, chandu ngyilemukunda nyoe.

Yohane 15:17

Ishi ngammbia nyoe, muiṙime ikundana.”

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

2 Wakorinto 5:1

Cha kyipfa luichi kye mmbiu yaṙu lukyeri nayo iha wuyanenyi ikamnyamaṟika, luwoṙe numba iwukyie ko Ruwa, numba ilangyiwikye kui mawoko, ikyeri ya mlungana ruwewu.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wafilyipi 1:15

Kyipfa kya ikyo maa inyi, wookyia ngyileicho mbonyi tsa iiṙikyia lyanyu kyiiṙi kya Mndumii Yesu, na ikunda lyanyu ko wandu wa Ruwa woose,

Wafilyipi 2:1

Na nyoe muwewapfu kyipfa kya iuṟa wuindi na ngyuunyamaṟi tsanyu.

Wafilyipi 2:5

mṟasa kyiyeri kyilya luwekyeri wapfu kyipfa kya maṙeko gaṙu; naleluṟutsa hamwi na Kristo; kyimwi na igamba kye, mulekyiṟo kui isaṟia.

Wakolosai 1:4

wookyia luleicho mbonyi tsa iiṙikyia lyanyu kyiiṙi kya Kristo Yesu, na ikunda muwoṙe ko wandu wa Ruwa woose.

1 Watesalonikye 4:9

Ko mbonyi tsa ikundana, kuwoṙe kyimaṙuma kya imuṟeia-pfo; kyipfa nyoe muwenyi muwaloshe nyi Ruwa ikundana.

Waebrania 13:1

Ikundana cha wana wa mka lyikae ho.

1 Petiro 1:22

Mukomuilyisha mrima yanyu kui iindia wuloi, mṟasa iwaṙa ikundana cha wana wa wama kulawoṙe wukulembecheṟi, kyasia pfuṟukanenyi ikundana kui mrima.

1 Petiro 3:8

Ulogo lo furumia nyi ilu, muwaṙe makusaṟo gamwi, mukyeri wandu wekyewoniana wukyiwa, wakundanyi cha wana wa mka, mochiwihiyo kyipfa kya wukyiwa wo mndu ungyi, wapfereri.

2 Petiro 1:7

Na kyiiṙi kya iowuo na iindia Ruwa, ikundana lya wana wa mka; na kyiiṙi kya ikundana lya wana wa mka, ikunda.

1 Yohane 2:3

Na kyipfa kya ikyo luichi kye lomanya Ruwa, kokooya loosha shilya mawawaso gakye gagamba.

1 Yohane 3:23

Na ilyi nyilyo iwawaso lyakye, kye luiṙikyie rina lya Mono-kye Yesu Kristo, na ikundana, chandu aleluenenga iwawaso.

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.

1 Yohane 5:13

Ngamuṟeia nyoe shindo-sho, kundu mumanye kye muwoṙe moo o mlungana, nyoe muiṙikyie Rina lya Mono-Ruwa.

1 Yohane 5:2

Kyipfa kya ikyo luichi kye lukundi wana wa Ruwa kyiyeri lokunda Ruwa, na iosha shilya mawawaso gakye gagamba.