1 Yohane 3:12 - Kivunjo New Testament 1999

¹² Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.

1 Yohane 3:12 ပူးပေါင်းရင်းမြစ်များ

Matayo 13:19

Orio mndu kaicho ṙeṙo lya Wumangyi wo ruwewu alalyimanye, mmbicho ulya nekyecha, karakuo kyilya kyikyiṙongye mrimenyi kokye. Iyi nyiyo mbeu iya ingyiṙongye mbai ya njia.

Matayo 13:38

Ṙema-lyo nyi wuyana. Mbeu tsilya ngyicha nyi wana wa Wumangyi wo ruwewu, na makacha-go nyi wana wa mmbicho ulya.

Matayo 23:35

Na mochiwona ngapo kyipfa kya samu ya wandu wasumganyi mulewaaga, wookyia samu ya Abelyi, ulya msumganyi, mṟasa samu ya Sakaria, mono-Barakyia, mulemmbaagia kyiiṙi kya haele na alyitaṟe.

Matayo 27:23

Kagamba, “Ny'kyi? Wuwicho wokye nyi kyikyi?” Wakaengyeṟa mnu ikalagatsa, wechigamba, “Nakapio msalabenyi.”

Matayo 5:37

Kyaindi maṙeṙo ganyu gawe yee, yee; ote, ote; kyipfa gaelewetsie igo gawukyie ko ulya mmbicho.”

Luka 11:51

wookyia samu ya Abelyi mṟasa samu ya Sakaria, ulya alewoogio kyiiṙi kya mesa ya Mndumii na hekalu. Yee, ngyimmbia kye rika-lyi lyechiweso samu-yo.

Yohane 10:32

Yesu kawagaluo, kawawia, “Ngyilemumloṟa maṟunda mecha gafoi gawukyie ko Awu, nyi lyiha lyamuenenga ilanga ingyikapa na magoe?”

Yohane 8:40

Kyaindi wulalu mukundi ingyiwaaga, mndu ammbia kyikyeri kya loi, ngyilekyiicho ko Ruwa. Abrahamu alewuta kuṙo-pfo.

Yohane 8:41

Nyoe muiṟunda maṟunda ga awu onyu.” Nyi lyo-ndu walemmbia, “Soe lulefeo wuṟuinyi-pfo. Soe luwoṙe Awu umwi, nyi oe Ruwa.”

Mawuto Ga Wasu 7:52

Nyi wui kyiiṙi kya weonguo shisuku waku wanyu walalempfulutsa nyashi? Wo walewaaga walya waleṙumo nyi Ruwa ionguo mbonyi tsa icha lya ulya Msumganyi; ulya nyoe wulalu mowa waṟiingyi wakye, mukommbaaga.

1 Watesalonikye 2:14

Kyipfa nyoe, wana wa wama, muwekyeri wandu wa siṟi tsa Ruwa tsikyeri urukyenyi lo Uyuda, kyiiṙi kya Kristo Yesu; cha kyipfa mulelyiso wukyiwa wulya wulya iwuka ko wandu wa uruka lonyu muwenyi, wukyiwa mulelyiso nyi Wayuda.

Waebrania 11:4

Kui iiṙikyia Abelyi naleenenga Ruwa kyiṙaso kyicha kuta kyilya kya Kaini. Koikyo naleṟingyishio kye namsumganyi; Ruwa kaṟingyishia shienengo shakye, na kyipfa kya iiṙikyia lyakye, Abelyi naiṙeṙa maa chandu alempfa.

Waebrania 12:24

na Yesu alewika Mma Mhya, na samu yakye ilepusuka, yekyeonguo shindo shicha kuta iya ya Abelyi.

1 Petiro 4:4

Shindo shekyeenenga wandu-wo walaiṙikyie iṟiyio chandu mulekyepfuṟukana iwuta shindo shilya shilya sha ukoe wung'anyi, wechimulahia.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

Yuda 1:11

Ochia lowo! Kyipfa waleosha njia ya Kaini, na iosha ṙeko lya Balaamu kyipfa kya heleri. Walenyamaṟa chandu na Kora alenyamaṟa, nawo walerumatso cha oe.

Ulogo 17:6

Ngawona mndu mka ulya amnanze kui samu ya wandu wa Ruwa, na kui samu ya waṟingyishi wa Yesu. Na inyi kyiyeri ngyilemmbona ngaṟiyio mnu.