1 Yohane 3:10 - Kivunjo New Testament 1999

¹⁰ Kyipfa kya ikyo wana wa Ruwa waichio na pata, na wana wa Mokyiriinzi taa. Mndu oose alekyewuta sha wusumganyi awukyie ko Ruwa-pfo, maa ulya alakundi mono-wama okye.

1 Yohane 3:10 ပူးပေါင်းရင်းမြစ်များ

Matayo 13:38

Ṙema-lyo nyi wuyana. Mbeu tsilya ngyicha nyi wana wa Wumangyi wo ruwewu, na makacha-go nyi wana wa mmbicho ulya.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Yohane 1:12

Indi woose walemwambilyia nalewaenenga wuiṙimi wo iwa wana wa Ruwa; nyi walya waiṙikyie rina lyakye.

Yohane 11:52

Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Yohane 8:47

Ulya ai o Ruwa nekyeaṙanyia malosho ga Ruwa. Koikyo nyoe muiaṙanyia-pfo cha kyipfa nyoe chi wana wa Ruwa-pfo.”

Mawuto Ga Wasu 13:10

kagamba, “Iyoe uwoṙe ngyeṟo na wuwicho woose, mana o Mokyiriinzi, mokyituwa o wusumganyi woose, okyeṙa igaluo wuloi wo Mndumii wuwe wongo?

Waroma 13:8

Maa mulariko nyi mndu kyindo kyoose, sile ikundana; cha kyipfa mokunda oṙoe naafutsia mawawaso.

Wafilyipi 5:1

Koikyo oshenyi Ruwa, cha wana wakunde.

Wakolosai 3:14

Ngoseṟa ya isho shoose waṙenyi ikunda, lyikyeri nyilyo lyaafutsia iiṙikyia.

1 Timoteo 1:5

Kyaindi kyimaṙuma kya iwawaso-lyo nyi ikunda lyiwukyie mrimenyi mwilyi na makusaṟonyi mecha, na iiṙikyia lyilawoṙe wukulembecheṟi.

1 Yohane 2:29

Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.

1 Yohane 4:21

Na iwawaso-lyi luleenengo nyi Kristo, kye ulya akundi Ruwa, nakunde na mono-wama okye.

1 Yohane 4:6

Soe luwoṙe mumuyo uwukyie ko Ruwa. Ulya aichi Ruwa nekyeluaṙanyia; ulya alawoṙe mumuyo uwukyie ko Ruwa ekyeluaṙanyia-pfo. Kyipfa kya ikyo luichi Mumuyo o loi, na mumuyo o wuṙetsi.

1 Yohane 4:8

Oe alawoṙe ikunda, aichi Ruwa-pfo, cha kyipfa Ruwa nyi ikunda.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

1 Yohane 5:2

Kyipfa kya ikyo luichi kye lukundi wana wa Ruwa kyiyeri lokunda Ruwa, na iosha shilya mawawaso gakye gagamba.

3 Yohane 1:11

Mkunde, ulakunde wuwicho, indi kunda wucha. Ulya ekyewuta wucha nyi o Ruwa, indi ulya ekyewuta mawicho alandewone Ruwa-pfo.