1 Yohane 3:1 - Kivunjo New Testament 1999

¹ Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 3:1 ပူးပေါင်းရင်းမြစ်များ

Luka 20:36

Maa weiṙima ipfa-se-pfo; cha kyipfa wekyewa cha malaika, nawo nyi wana wa Ruwa, kyipfa kya ilyi wakyeri wana wa iṟutso.

Yohane 1:12

Indi woose walemwambilyia nalewaenenga wuiṙimi wo iwa wana wa Ruwa; nyi walya waiṙikyie rina lyakye.

Yohane 11:52

Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Yohane 16:3

Na isho wechimmbutia cha kyipfa waichi Awu maa inyi-pfo.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Waroma 5:8

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

Waroma 8:19

Cha kyipfa shigumbe shoose shiweṙelyia kui sia ing'anyi iloṟo lya wana wa Ruwa.

Waroma 8:21

Kyipfa shigumbe-sho shimonyi nasho shechiwiko handu halawoṙe ichilyio na iwuto wutumonyi wo inyamaṟika, mṟasa shiiṙe handunyi halawoṙe ichilyio ha mng'ano o wana wa Ruwa.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

2 Wakorinto 6:18

Ngyewa Awu konyu, na nyoe mochiwa wana koko wa kyisoṟo na wa kyika, Mndumii Mopfinya nagamba.”

Wagalatia 3:26

Cha kyipfa nyoe moose mowa wana wa Ruwa kui njia ya iiṙikyia Kristo Yesu.

Wagalatia 3:29

Na kokooya nyoe nyi wandu wa Kristo, kyasia mowa wana wa Abrahamu, na weoṟa iṙuana na kyaasa.

Wakolosai 3:3

Cha kyipfa mulepfa, na moo onyu umṟikye hamwi na Kristo kyiiṙi kya Ruwa.

1 Yohane 3:10

Kyipfa kya ikyo wana wa Ruwa waichio na pata, na wana wa Mokyiriinzi taa. Mndu oose alekyewuta sha wusumganyi awukyie ko Ruwa-pfo, maa ulya alakundi mono-wama okye.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.

1 Yohane 4:17

Kyipfa kya ikyo ikunda lying'anyi lyikyeri koṙu, kundu luwaṙe wukari na wuṟango mfiri ulya o ianduyo; cha kyipfa, chandu oe akyeri, nyi wuṙo lukyeri na soe kunu wuyanenyi.

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.