1 Yohane 2:6 - Kivunjo New Testament 1999

⁶ Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.

1 Yohane 2:6 ပူးပေါင်းရင်းမြစ်များ

Matayo 11:29

Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu.

Yohane 13:15

Cha kyipfa ngamumloṟa chandu mowuta; kundu chandu ngammbutia, na nyoe muwute kuṙo.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

1 Wakorinto 11:1

Ngyioshenyi chandu na inyi ngyekyeosha Kristo.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

1 Petiro 2:21

Cha kyipfa nyiwo mulelagio; kyipfa Kristo na oe nalelyiso wukyiwa kyipfa kyanyu, kamuṙeea mfano, muoshe ndifo tsakye.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 3:24

Na oe ekyeosha shilya mawawaso gakye gagamba namlungye na Ruwa, na Ruwa namlungye na oe. Na kyipfa kya Mumuyo ulya Ruwa aleluenenga luichi kye Ruwa namlungye na soe.

1 Yohane 3:6

Orio mndu ekyekaa kokye ekyewuta kyindo kya wunyamaṟi-pfo; orio mndu ekyewuta kyindo kya wunyamaṟi, ammbonyi maa amwichi-pfo.

1 Yohane 4:17

Kyipfa kya ikyo ikunda lying'anyi lyikyeri koṙu, kundu luwaṙe wukari na wuṟango mfiri ulya o ianduyo; cha kyipfa, chandu oe akyeri, nyi wuṙo lukyeri na soe kunu wuyanenyi.