1 Yohane 2:29 - Kivunjo New Testament 1999

²⁹ Kokooya momanya kye oe nyi msumganyi, manyenyi kye orio mndu ekyewuta shindo sha wusumganyi namfee nyi oe.

1 Yohane 2:29 ပူးပေါင်းရင်းမြစ်များ

Yohane 1:13

Wandu-wa wawafee, chi kui pfinya tsa mndu, maa chi kui ikunda lya mmbiu, maa kui chandu mndu akundi-pfo, indi kui pfinya tsa Ruwa.

Yohane 7:18

Ulya aṙeṙa kui wuchilyi wokye amonyi tupu nekyepfula kyiṟumi kyakye amonyi; indi ulya apfula kyiṟumi kya ulya alemṙuma, icho nyi o loi, maa mrimenyi kokye kuwoṙe wunyamaṟi-pfo.

Mawuto Ga Wasu 10:35

indi kyiiṙi kya orio isanga mndu ekyeindia Ruwa na iwuta sha sungusinyi Ruwa nekyemwiṙikyia.

Mawuto Ga Wasu 22:14

Kagamba, ‘Ruwa o waku waṙu nakusambuṟa iyoe uiṙime imanya shilya akundi, na iwona ulya awoṙe wusumganyi, na iicho kyindo agamba.

Mawuto Ga Wasu 3:14

Indi nyoe mulekana ulya Mweele, ulya alawoṙe tewe, mukokunda ienengo mmbaagi.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Waebrania 7:2

Ulya Abrahamu alemgawia kyifunjoe kya ikumi kya shindo shoose; (rina lyakye lya kuwooka nyi mangyi o wusumganyi, lyingyi-se nyi mangyi o Salemu, kyimwi na igamba, mangyi o ufoṟo.

Waebrania 7:26

Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

Yakobo 1:18

Kui ikunda lyakye amonyi nalelufee kui Ṙeṙo lya loi, luwe cha wana wawagumbe nyi oe.

1 Petiro 1:23

Cha kyipfa muwafee lya kawi; chi kui mbeu yekyenyamaṟika-pfo indi kui iya ilekyenyamaṟika; kui Ṙeṙo lya Ruwa lyiwoṙe moo, lyekyekaa ho mṟasa mlungana.

1 Petiro 1:3

Ruwa naṟumisho, Awu o Mndumii oṙu Yesu Kristo, ulya kui isaṟia lyakye alelufee lya kawi kundu luwone ikusuria lyiwoṙe moo kui iṟuka lya Yesu Kristo iwuka ko wapfu.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

2 Petiro 1:4

Lyingyi-se ko isho naleluenenga shaasa shing'anyi mnu, sha woguru, kundu kye kui ikyo muiṙime iwa hamwi na walya wawoṙe mkaṟo o kyiRuwa, mochikyiṟo iwuka wunyamaṟinyi wukyeri wuyanenyi kyipfa kya lango.

1 Yohane 2:1

Wana wako, ngyimuṟeia ishi kundu mulawute sha wunyamaṟi. Na kokooya mndu awuta kya wunyamaṟi luwoṙe Moluterewia ko Awu, Yesu Kristo awoṙe wusumganyi.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

1 Yohane 3:7

Wana wako, mndu alamulembe. Mndu ekyewuta sha wusumganyi nawoṙe wusumganyi, chandu Kristo awoṙe wusumganyi.

1 Yohane 4:7

Wakunde lukundane; cha kyipfa ikunda lyiwukyie ko Ruwa, na orio mndu awoṙe ikunda namfee nyi Ruwa; na oe naichi Ruwa.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

1 Yohane 5:4

Cha kyipfa orio mndu amfee nyi Ruwa nekyewinga wuyana; na kunu nyipfo iwinga lyiwingyie wuyana kui iiṙikyia-lyo lyaṙu.

3 Yohane 1:11

Mkunde, ulakunde wuwicho, indi kunda wucha. Ulya ekyewuta wucha nyi o Ruwa, indi ulya ekyewuta mawicho alandewone Ruwa-pfo.