1 Yohane 2:22 - Kivunjo New Testament 1999

²² Nyi wui ai moṙeṙa wongo sile ulya ekyekana kye Yesu nyi Kristo? Icho nyi oe mowingana na Kristo, ulya ekyekana Awu na Mana.

1 Yohane 2:22 ပူးပေါင်းရင်းမြစ်များ

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 24:5

Cha kyipfa wafoi wechicha kui rina lyako, wechigamba, ‘Inyi nyi Kristo;’ nawo wechilemba wafoi.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

1 Yohane 1:6

Lukogamba kye lukyeri handu hamwi na oe, kyaindi lukowaṙa mkaṟo ya meema, loṙeṙa wongo, maa luiwuta kyikyeri kya loi-pfo.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 2:23

Orio mokana Mana awoṙe Awu-pfo. Moiṙikyia Mana nawoṙe Awu taa.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

1 Yohane 4:3

Na oṙio mndu alaiṙikyie Yesu awoṙe mumuyo uwukyie ko Ruwa-pfo. Na iyi nyiyo ngoo ya mowingana na Kristo, ngoo iya muleicho kye iicha; na wulalu yammbono wuyanenyi.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.