1 Yohane 2:21 - Kivunjo New Testament 1999

²¹ Ngyilemuṟeia nyoe kyipfa mulaichi kyikyeri loi-pfo, indi cha kyipfa muichi kyilya kyikyeri loi, lyingyi-se kye kuwoṙe kyoose kya wongo kyekyewuka ipfo kyindonyi kyikyeri loi-pfo.

1 Yohane 2:21 ပူးပေါင်းရင်းမြစ်များ

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Yakobo 1:19

Isho muichi, wana wa wama wako wakunde. Kyasia orio mndu nawe mwanguhu iaṙanyia indi chi mwanguhu iṙeṙa maa ikapo nyi nyashi-pfo; maa moṙeṙa-pfo.

2 Petiro 1:12

Koikyo ngyikusurie imukumbuṟa isho mfiri yoose, maa chandu mushiichi na iṟingyishio kyiiṙi kya loi mukyeri nayo.

1 Yohane 3:19

Kyipfa kya ikyo lochimanya kye lukyeri wa loi, na soe lochiwiyiṟia mrima yaṙu moo mbele yakye,

Yuda 1:5

Lyingyi-se ngyikundi imukumbuṟa maa chandu mommanye isho shoose kye Mndumii, amkyiṟe wandu urukyenyi lo Misiri, nalewarumatsa numa ya iho walya walaiṙikyie.