1 Yohane 2:20 - Kivunjo New Testament 1999

²⁰ Muwapusie Mumuyo Mweele na nyoe moose muichi.

1 Yohane 2:20 ပူးပေါင်းရင်းမြစ်များ

Matayo 13:11

Kagaluo kawawia, “Nyoe muwaenengye imanya shiṟika sha Wumangyi wo ruwewu, kyaindi wo wawaenengye-pfo.

Mariko 1:24

echigamba, “Luwoṙe kyi na iyoe, Yesu o Nasareti? Ngyesa nocha ilurumatsa?

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Luka 4:34

echigamba, “Leka! Lokukyi, Yesu o Nasareti? Nocha ilurumatsa? Ngyikuichi iyoe nyi wui, Mweele o Ruwa.”

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 16:13

Kyaindi kyiyeri oe echicha, Mumuyo-cho o loi, nechimusongoya, namushukuye wuloi woose; cha kyipfa echiṙeṙa kui wuchilyi wokye amonyi-pfo, indi shoose echiicho neshionguo, na shindo shiicha nechimuongoya mbonyi tsakye.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 3:14

Indi nyoe mulekana ulya Mweele, ulya alawoṙe tewe, mukokunda ienengo mmbaagi.

1 Wakorinto 2:15

Kyaindi mndu o kyimrima nekyemanya shoose, maa oe kuwoṙe mndu ekyemmanya-pfo.

Waebrania 1:9

Nukundi wusumganyi nosuo shituṟu koikyo Ruwa, Ruwa opfo, nakushumbuo, kakuenenga kyiṟumi kying'anyi kuta woṙoo.”

Waebrania 8:11

Nawo wechiloshana orio mndu na momṟasa okye-pfo, Maa orio mndu na mono-wamae, echigamba, ‘Manya Mndumii-pfo.’ Cha kyipfa woose wechingyimanya, wookyia mtutu owo mṟasa ang'anyi.

1 Yohane 2:27

Na nyoe, Mumuyo Mweele muleambilyia kokye ukyeri mrimenyi konyu, maa kuwoṙe kyimaṙuma kya mndu imulosha nyoe-pfo; kyaindi chandu Mumuyo okye uimulosha mbonyi tsa shindo shoose, lyingyi-se nyi loi maa chi wongo-pfo, na chandu ulemulosha, kaenyi kokye.

1 Yohane 4:13

Kyipfa kya ikyo luichi kye lukyeri kokye, na oe nakyeri koṙu, cha kyipfa naluenengyie Mumuyo okye.

Yuda 1:5

Lyingyi-se ngyikundi imukumbuṟa maa chandu mommanye isho shoose kye Mndumii, amkyiṟe wandu urukyenyi lo Misiri, nalewarumatsa numa ya iho walya walaiṙikyie.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.

Ulogo 4:8

Na iwa waana wai na moo, orio umwi nawewoṙe makungo gaṟandaaṟu; na ngyuura tsoose na kyanumba waweichuo meso, maa wekyeonyonya kyingoto maa kyio-pfo, wechigamba, “Mweele, Mweele, Mweele, Mndumii Ruwa Mopfinya, awekyeri pfo na akyeri pfo na echicha.”