1 Yohane 2:15 - Kivunjo New Testament 1999

¹⁵ Maa mulakunde wuyana, maa shindo shikyeri wuyanenyi. Mndu kakunda wuyana, ikunda Ruwa kukyeri mrimenyi kokye-pfo.

1 Yohane 2:15 ပူးပေါင်းရင်းမြစ်များ

Matayo 4:8

Numa ya iho Mokyiriinzi kamṙuo fumvunyi lyileshi mnu, kamloṟa ngyuuchilyi tsoose tsa wuyana, na wung'anyi wotso,

Matayo 6:24

“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo.

Luka 16:13

Kuwoṙe mṟundi eiṙima iṟundia wandumii wawi-pfo; cha kyipfa, nechisuo ichu na ikunda ichu, ang'u newaṙana na ichu na imina ichu. Mochiiṙima iṟundia Ruwa na masaa-pfo.”

Yohane 15:19

Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Wagalatia 1:10

Kyipfa wulalu ngyesa ngyikundi ikundo nyi wandu? Ote! Kyindo ngyikundi nyi ikundo nyi Ruwa. Kyipfa kokooya ngyiwekundi mṟasa wulalu ichihiṟa wandu, ngyiwechiwa mṟundi o Kristo-pfo.

Wafilyipi 2:2

Ngyuunyamaṟi muletsiwuta kacha kui iosha mchilyi ang'anyi o waṟufui wa ngyinenyi, mṟufui ulya o Satana aiṟunda maṟunda wulalu kyiiṙi kya walya waiwingana na Ruwa;

1 Timoteo 6:10

Kyipfa mri o mawicho ga orio mbaṟe nyi ikunda heleri. Nyi kui ikunda mnu heleri wandu waata walelekana na iiṙikyia wechikulyisa ngyuukyiwa tsifoi.

Yakobo 1:27

Mwiṙikyie mcha ulawoṙe kyindo kyifanyi mbele ya Mndumii Ruwa nyi ichu: indesaia ngoṙa na wakusu wukyiwenyi wowo, na ikushowa na wuyana kulawoṙe wunyamaṟi.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

1 Yohane 3:17

Kyaindi mndu kawaṙa kando ka kunu wuyanenyi, naaho kawona mono-wama okye alawoṙe kyindo, alamtarame, ngyesa ikunda lya Ruwa lyakaa kuṙa mrimenyi ko mndu-cho?

1 Yohane 4:5

Iwo nyi wa wuyana; koikyo wekyeṙeṙa shindo sha wuyana na wandu wa wuyana wekyewaaṙanyia.

1 Yohane 5:10

Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.