1 Yohane 1:9 - Kivunjo New Testament 1999

⁹ Lukotochia Ruwa ngyuunyamaṟi tsaṙu, oe nekyeafutsia shilya ateṟia na namsumganyi mṟasa naluwute ngyuunyamaṟi tsaṙu, na ilusanja wuwicho woose.

1 Yohane 1:9 ပူးပေါင်းရင်းမြစ်များ

Matayo 3:6

na oe kawapatisa kulya mfonyi o Yoridan, wechitocha ngyuunyamaṟi tsawo.

Mariko 1:5

Wandu wafoi mnu wa uruka lo Uyuda wakayenda kokye, na wandu wa Yerusalemu, wakapatiso mfonyi o Yoridan, wechitocha wunyamaṟi wowo.

Luka 22:57

Kakana, echigamba, “Iyoe mndu mka, ngimwichi-pfo.”

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Mawuto Ga Wasu 19:18

Na wandu wafoi kyiiṙi kya walya waweiṙikyie Yesu wakacha wakatocha wunyamaṟi, wechiṟingyishia mawuto gawo.

Waroma 3:26

Naiṙime iloṟa wusumganyi wokye kyiyeri-kyi, kundu nawe msumganyi na momtalyia wusumganyi icho aiṙikyie Yesu.

1 Wakorinto 1:9

Ruwa nekyeafutsia shilya agamba, ulya alemulaga nyoe mukae handu hamwi na Mono-kye, Yesu Kristo Mndumii oṙu.

1 Wakorinto 6:11

Na waata kyiiṙi kyanyu wawekyeri wandu wa mbaṟe-i; kyaindi mulesanjo, kyaindi muleilyisho, kyaindi muletalo kye muwasumganyi rinenyi lya Mndumii Yesu Kristo, na Mumuyonyi o Ruwa oṙu.

Wafilyipi 5:26

kundu nailyishe Siṟi na iisanja kui mṟinga Ṙeṙonyi.

1 Timoteo 1:15

Nyi kyindo kya loi, na kyiwaṟi iiṙikyio nakamwi, kye Kristo Yesu nalecha na wuyanenyi nakyiṟe wanyamaṟi; walya o kuwooka ai nyi inyi.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Waebrania 10:23

Lukuwaṙe tapu na ikusuria lyaṙu, lyilailachikye; kyipfa ulya aleteṟia nekyeafutsia shilya ateṟia.

Waebrania 11:11

Kui iiṙikyia maa Sara amonyi naleambilyia wuiṙimi wo iira mana, ilyi kyiyeri kyakye kyilekokyamwiṙa; cha kyipfa naletala ulya aleteṟia kye nekyeafutsia kyilya ateṟia.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

Ulogo 15:3

Nawo waiimba kyiimbo kya Mose, mṟundi o Ruwa, na kyiimbo kya Kyiondo kya Ruwa, wechigamba, “Mawuto gapfo nyi gang'anyi, na ga maṟiyisho, iyoe Mndumii Ruwa Mopfinya; njia tsapfo nyi tsa wusumganyi na tsa loi, iyoe Mangyi o masanga.