1 Yohane 1:8 - Kivunjo New Testament 1999

⁸ Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.

1 Yohane 1:8 ပူးပေါင်းရင်းမြစ်များ

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Waroma 3:10

Chandu kyikyiṟeie kye, “Kuwoṙe msumganyi maa umwi-pfo.

Waroma 3:23

Kyipfa woose wawutie sha wunyamaṟi na mng'ano o Ruwa otitia kowo.

1 Wakorinto 3:18

Mndu alakulembe amonyi. Kokooya mndu awona kye nawoṙe wuṟango kyiiṙi kyanyu kunu wuyanenyi, nawe tondo, kundu naiṙime iwa mndu awoṙe wuṟango.

Wagalatia 6:3

Kyipfa mndu kakuwona kye nyi kyindo, na oe chi kyindo-pfo, nakulemba mrimenyi kokye.

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

Yakobo 1:22

Kyaindi wenyi wandu mokyewuta kyilya mokyeicho, maa chi wandu weaṙanyia tikyi kunu mochikulemba muwenyi-pfo.

Yakobo 1:26

Mndu kakusaṟa kye nawoṙe mwiṙikyie, indi ekyeringa ulumi lokye-pfo, kunu echilemba mrima okye, mwiṙikyie o mndu-cho chi kyindo-pfo.

Yakobo 3:2

Kyipfa lokyekapa ṙende soe loose shindonyi shifoi. Mndu alekyekapa ṙende kyiiṙi kya iṙeṙa, icho nyi mndu aafutsie, echiiṙima itirimisha mmbiu okye oose cha kui kyindo kyilya kyekyetirimisha shindo.

2 Petiro 2:13

Wechiwona mawicho gakyeri wori wo wuwicho wowo, wakusaṟie kye iosha lango tsa mmbiu kulawoṙe wuowu nyi ichihiyo. Wawa nyi wunyamaṟi na sonu, wechilosha lango tsa wuyana tsilawoṙe meena shelyenyi shawo sha ikunda, ilyi wekyeachikyia shelya hamwi na nyoe.

1 Yohane 1:10

Lukogamba kye lunyamaṟie-pfo, lomgaluo oe mndu ekyeṙeṙa wongo, maa kyilya agamba kyikyeri koṙu-pfo.

1 Yohane 1:6

Lukogamba kye lukyeri handu hamwi na oe, kyaindi lukowaṙa mkaṟo ya meema, loṙeṙa wongo, maa luiwuta kyikyeri kya loi-pfo.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

2 Yohane 1:2

kyipfa kya loi-yo ikyeri mrimenyi koṙu, nayo yechikaa hamwi na soe mṟasa mlungana.

3 Yohane 1:3

Kyipfa ngyilechihiyo mnu kyiyeri wana wa wama waiṙikyie Ruwa waleṟingyishia chandu okyeafutsia shilya oteṟia na chandu okyewuta shindo sha wuloi.