1 Yohane 1:5 - Kivunjo New Testament 1999

⁵ Na itsi nyitso mbonyi luleicho ko Yesu, na itsionguo konyu, kye Ruwa nyi ngyeela, maa meema oose ukyeri kokye-pfo.

1 Yohane 1:5 ပူးပေါင်းရင်းမြစ်များ

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 1:4

Oe nyi-we shoka ya moo, na moo-cho uwei ngyeela ya wandu.

Yohane 1:9

Kuwewoṙe Ngyeela ya loi, ekyeenenga orio mndu saa, echicha na wuyanenyi.

Yohane 8:12

Kyasia Yesu kawia-se Mafarisayo walya, “Inyi nyi ngyeela ya wuyana. Ulya angyiosha inyi nechiwaṙa ngyeela yekyeenenga wandu moo, na echichumia handu hawoṙe meema-pfo.”

Yohane 9:5

Kyiyeri ngyikyeri wuyanenyi, inyi nyi ngyeela ya wuyana.”

1 Wakorinto 11:23

Cha kyipfa inyi ngyileambilyia ko Mndumii shilya ngyilemuenenga nyoe. Kye Mndumii Yesu kyio kyilya aleṟiingo naleira mkate,

1 Timoteo 6:16

Ulya alekyepfa, akyeri ngyeelenyi ilekyeiṙima irumisho; maa kulawoṙe mndu alemummbona, maa eiṙima immbona. Kyiyeri kyoose naenengo kyiṟumi na pfinya mṟasa mlungana. Amen.

Yakobo 1:17

Orio ienengyia lyikyeri lyicha, na orio kyindo kyekyewuto kyiafutsie, kyekyewuka wuye, kyekyesoka ko Awu agumbie mnengyeṟi, mori na nyenyeri. Kokye kuwoṙe iilachika lyekyeende meema-pfo.

1 Yohane 3:11

Kyipfa itsi nyitso mbonyi muletsiicho wookyia mawookyionyi, kye lukundane.

Ulogo 21:23

Na mṟi ulya uwewoṙe kyimaṙuma kyepfula ngyeela ya mnengyeṟi maa mori-pfo, cha kyipfa kyiṟumi kya Ruwa kyekyeuenenga ngyeela, na taa ya mṟi-cho nyi Kyiondo kya Ruwa.

Ulogo 22:5

Maa kochiwaṙa-se kyio-pfo; maa wechipfula ngyeela ya taa maa ya mmbaṟi-pfo; cha kyipfa Mndumii Ruwa nechiwa ngyeela yawo, nawo wechichilyia mṟasa mlungana na mlungana.