1 Yohane 1:3 - Kivunjo New Testament 1999

³ Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.

1 Yohane 1:3 ပူးပေါင်းရင်းမြစ်များ

Yohane 17:11

“Maa inyi ngyikyeri-se wuyanenyi-pfo, kyaindi wo wakyeri wuyanenyi, na inyi ngyiicha na kopfo. Awu mweele, kui rina lyapfo ulengyienenga uwaringye iwa, kundu wawaṙane tapu chandu soe lukyeri.

Yohane 17:21

Woose wawaṙane tapu; chandu iyoe, Awu, ukyeri kyindo kyimwi na inyi, na inyi kyindo kyimwi na iyoe; iwo nawo wawe kyindo kyimwi na soe; kundu wandu wa wuyana waiṙime iiṙikyia kye nyi iyoe ulengyiṙuma.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 19:35

(Na ulya alewona kaṟingyishia, na wuṟingyishi wokye nyi wo loi, na oe naichi kye nagamba loi kundu na nyoe muiṙime iiṙikyia).

Mawuto Ga Wasu 13:32

Na soe lokyemuongoya mbonyi ngyicha tsa kyaasa kyilya waku waṙu waleenengo,

Mawuto Ga Wasu 13:41

‘Aṙanyienyi, nyoe mokyemina kyilya Ruwa agambie, ṟiyionyi na ipfa cha kyipfa kyilya ngyiwuta inu nyi kyindo mulechikyiiṙikyia maa kyiyeri mndu amuongoya.’ ”

Mawuto Ga Wasu 2:42

Mfiri yoose wakaosha malosho ga wanalosho, wakyeri kyindo kyimwi shindonyi shoose, na kyiiṙi kya ilya mkate handu hamwi, na kyiiṙi kya iterewa.

Mawuto Ga Wasu 20:27

Cha kyipfa ngyileṙa imuongoya mbonyi tsa orio kyindo Ruwa akundi-pfo.

Mawuto Ga Wasu 4:20

kyipfa soe lochiiṙima iṙa ionguo shindo luleshiwona na ishiicho-pfo.”

Waroma 15:27

Yee, kyachihiṟa wandu wa Makyedonia, lyingyi-se wairiko nyi wandu walya wafofo wa Yerusalemu. Cha kyipfa kokooya wandu walakyeri Wayuda waleambilyia iwuka kowo shindo sha mrima, kyawakooya wo iwatarama kui shienengo sha kyiwuyana.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

1 Wakorinto 1:9

Ruwa nekyeafutsia shilya agamba, ulya alemulaga nyoe mukae handu hamwi na Mono-kye, Yesu Kristo Mndumii oṙu.

1 Wakorinto 15:1

Kyasia, wana wa wama wako, ngamukumbuṟa mbonyi tsa Ndumi Ngyicha ngyilemuongoya; iya muleiambilyia, na kyiiṙi kyayo mugoṟokyi;

2 Wakorinto 13:14

Isaṟia lya Mndumii Yesu Kristo, na ikunda lya Ruwa, na isanza lya Mumuyo Mweele, lyikae na nyoe moose.

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

Waefeso 1:7

Wuṙo wuṙo chandu kyikyeri iṟunda lyako ikusaṟa ishi kyipfa kyanyu moose; cha kyipfa nyoe mukyeri mrimenyi koko; cha kyipfa kyipfungonyi kyako na iṟundenyi lyeringa kyiṟumi kya Ndumi Ngyicha, na iiṟingyishia, nyoe moose muleambilyia isaṟia-lyi hamwi na inyi.

Waefeso 2:1

Kyasia kokooya kuwoṙe iwiyiṟiana moo kyiiṙi kya Kristo, kokooya kuwoṙe ikarishana kui ikunda, kokooya kuwoṙe iwaṙana Mumuyonyi, kokooya kuwoṙe iwoniana wukyiwa,

Waefeso 3:10

Kundu ngyimmanye oe, na wuiṙimi wo iṟuka lyakye, na ilya wukyiwa wulya alelya, ngyechifananyisho na ipfa lyakye;

Wakolosai 1:13

Na oe nalelukyiṟa iwuka pfinyenyi tsa meema, kalusamiṟa na iluṙuo Wumangyinyi wo Mana o ikunda lyakye;

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

1 Timoteo 6:2

Na walya wawoṙe wandumii waiṙikyie Yesu walawamine cha kyipfa nyi wana wa wama kyiiṙi kya Yesu; indi nyi kyicha wawaṟundie, cha kyipfa wandumii-wo wekyewona kyiira kya iṟunda lyawo wawa wandu wakunde.

Waebrania 2:12

Nekyegamba, “Ngyechionguo mbonyi tsapfo ko wana wa wama wako, siṟinyi ngyechikuṟumisha.”

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

2 Petiro 1:16

Kyipfa luleosha shindo shileṟeio kui wuṟango na ngyeṟo kyiyeri lulemmanyisha nyoe pfinya tsa Mndumii oṙu Yesu Kristo na icha lyakye-pfo; indi lulekolowona luwenyi wung'anyi wokye.

1 Yohane 1:1

Lumuṟeia nyoe mbonyi tsa Ṙeṙo lyekyeende moo, lyiwekyeri pfo wookyia mawookyionyi. Ṙeṙo lyilya lulelyiicho, lulelyiwona kui meso gaṙu, lukolyiambuya, na mawoko gaṙu gakalyipaaya-paya.

1 Yohane 1:5

Na itsi nyitso mbonyi luleicho ko Yesu, na itsionguo konyu, kye Ruwa nyi ngyeela, maa meema oose ukyeri kokye-pfo.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.