1 Yohane 1:2 - Kivunjo New Testament 1999

² (Na moo-cho uleloṟo, na soe luleuwona; lyingyi-se luiṟingyishia, na imuongoya nyoe moo ulya o mlungana, uwekyeri ko Awu, ukoloṟo koṙu.)

1 Yohane 1:2 ပူးပေါင်းရင်းမြစ်များ

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 1:4

Oe nyi-we shoka ya moo, na moo-cho uwei ngyeela ya wandu.

Yohane 10:28

Na inyi ngyekyegaenenga moo o mlungana; maa gechiṙeka maa ale-pfo; maa kuwoṙe mndu eiṙima igangyisoka-pfo.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:27

Na nyoe taa muingyiṟingyishia, cha kyipfa wookyia mawookyionyi muwekyeri hamwi na inyi.

Yohane 16:28

Ngyilewuka ko Awu, na inyi ngyilecha na kunu wuyanenyi. Lyingyi-se ngyiwuka kunu wuyanenyi; na iyenda ko Awu.”

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 17:5

Na wulalu, Awu, ungying'anyise inyi hamwi na iyoe, kui kyiṟumi kyilya ngyiwewoṙe kyiyeri wuyana wulagumbo.

Yohane 19:35

(Na ulya alewona kaṟingyishia, na wuṟingyishi wokye nyi wo loi, na oe naichi kye nagamba loi kundu na nyoe muiṙime iiṙikyia).

Yohane 21:14

Koikyo kyikawa Yesu nawonekyia wanalosho wakye lya kaṟaaṟu numa ya iṟuka ko wapfu.

Yohane 3:13

Maa kuwoṙe mndu alemṙo na ruwewu sile Mana o Adamu ulya alesoka iwuka ruwewu-pfo.”

Yohane 7:29

Inyi ngyimwichi, cha kyipfa ngyiwukyie kokye, na oe nyi oe alengyiṙuma.”

Yohane 8:38

Shilya ngyileshiwona ko Awu nyisho ngyionguo; na nyoe na wuṙo muwuta shilya muleicho ko awu onyu.”

Mawuto Ga Wasu 1:22

iwookyia wupatiso wo Yohane, mṟasa mfiri ulya alewuto koṙu iyenda wuye ruwewu, kyiwaṟi umwi owo nawe mṟingyishi o iṟuka lyakye hamwi na soe.”

Mawuto Ga Wasu 10:41

chi ko wandu woose-pfo, indi ko waṟingyishi walekowamsambuṟo nyi Ruwa, nyiwo soe, lulelya na inyo hamwi na oe numa ya iṟuka lyakye iwuka ko wapfu.

Mawuto Ga Wasu 2:32

Yesu-cho Ruwa nalemṟutsa, na soe loose lui waṟingyishi.

Mawuto Ga Wasu 3:15

Mukowaaga ulya Ang'anyi o moo o mlungana, ulya Ruwa alemṟutsa ko wapfu; na soe nyi waṟingyishi wakye.

Mawuto Ga Wasu 5:32

Na soe lui waṟingyishi wa mbonyi-tsi, hamwi na Mumuyo Mweele ulya Ruwa aleenenga woose wekyemwindia.”

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Wagalatia 4:4

Na lyilya kyiyeri kyilya kyiwekyikunde kyileafukyia, Ruwa naleṙuma Mono-kye, ulya alefeo nyi mndu mka, nafeo wuchilyinyi wo mawawaso,

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

2 Timoteo 1:10

Na wulalu lyiṟingyishio kui iloṟo lya Mkyiṟa oṙu Kristo Yesu; alegalutsa upfu, na ishukuo moo na kulawoṙe inyamaṟika, kui Ndumi iya Ngyicha;

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

1 Yohane 1:1

Lumuṟeia nyoe mbonyi tsa Ṙeṙo lyekyeende moo, lyiwekyeri pfo wookyia mawookyionyi. Ṙeṙo lyilya lulelyiicho, lulelyiwona kui meso gaṙu, lukolyiambuya, na mawoko gaṙu gakalyipaaya-paya.

1 Yohane 2:25

Na ikyi nyikyo kyaasa aleluenenga, moo o mlungana.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.

1 Yohane 4:2

Kui ikyo muichi Mumuyo o Ruwa, orio mndu aiṙikyie kye Yesu Kristo nalecha ai cha mndu nawoṙe mumuyo uwukyie ko Ruwa.

1 Yohane 5:11

Na iwu nyiwo wuṟingyishi, kye Ruwa naleluenenga moo o mlungana; na moo-chu ukyeri ko Mono-kye.

1 Yohane 5:13

Ngamuṟeia nyoe shindo-sho, kundu mumanye kye muwoṙe moo o mlungana, nyoe muiṙikyie Rina lya Mono-Ruwa.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.