1 Yohane 1:10 - Kivunjo New Testament 1999

¹⁰ Lukogamba kye lunyamaṟie-pfo, lomgaluo oe mndu ekyeṙeṙa wongo, maa kyilya agamba kyikyeri koṙu-pfo.

1 Yohane 1:10 ပူးပေါင်းရင်းမြစ်များ

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Wakolosai 3:16

Ṙeṙo lya Kristo lyiingyikye mrimenyi konyu na wuṟangonyi woose, mochiloshana na itutumana kui shiimbo, na shiimbo shetembecheṟa mrima; kunu mochiimbia Ruwa kui iana mrimenyi konyu.

1 Yohane 1:8

Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.

1 Yohane 2:14

Ngamuṟeia nyoe waawu, cha kyipfa muichi ulya akyeri pfo wookyia mawookyionyi. Ngamuṟeia nyoe wanakye, cha kyipfa muwoṙe pfinya, na Ṙeṙo lya Ruwa lyikeri mrimenyi konyu, na nyoe mowinga ulya mmbicho.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 4:4

Nyoe, wana watutu, muwoṙe mumuyo uwukyie ko Ruwa; na nyoe mowawinga; cha kyipfa ulya akyeri mrimenyi konyu nang'anyi kuta ulya akyeri wuyanenyi.

1 Yohane 5:10

Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.

2 Yohane 1:2

kyipfa kya loi-yo ikyeri mrimenyi koṙu, nayo yechikaa hamwi na soe mṟasa mlungana.