1 Wakorinto 9:5 - Kivunjo New Testament 1999

⁵ Luwoṙe wuiṙimi wo iṙuo hamwi na soe mka mkristiano, cha wasu-wo wengyi na wana wa wama wa Mndumii na Kyefa-pfoe?

1 Wakorinto 9:5 ပူးပေါင်းရင်းမြစ်များ

Matayo 13:55

Ichu chi mana o ulya ekyepacha mbau? Wamae chi ulya ekyelago Maria? Na wana wa wamae chi Yakobo, na Yosefu, na Simion, na Yuda?

Matayo 8:14

Kyiyeri Yesu aleshika kanyi ko Petiro, kawona mamka o Petiro, alee kyitaṟenyi nawoṙo nyi isemu.

Mariko 1:30

Na mamka o Simion, nawekyeri kyitaṟenyi, nawoṙo nyi isemu; na cha ilyi wakammbia mbonyi tsakye.

Mariko 6:3

Ichu chi ulya ekyepacha mbau, mana o Maria, na mono-wama o wako-Yakobo, Yose, Yuda, na Simion-pfoe? Na washikyi wakye wakyeri iha koṙu-pfoe?” Koikyo wakammina.

Luka 6:15

Na Matayo, Tomasi, Yakobo o Alyifayo, na Simion ekyelago Selote.

Luka 8:20

Kaendio mbonyi, echiwio, “Womoo na wana wa womoo wagoṟokyi nja wakundi ikuwona.”

Yohane 1:42

Kamṙuo ko Yesu. Na Yesu kamwambuya, kammbia, “Iyoe nyi Simion, mana o Yohane; na iyoe nochilago Kyefa (kyimwi na igamba Petiro ang'u Igoe)”

Yohane 2:12

Numa ya isho kasoka mṟasa Kaperinaumu, oe na wamae na wana wa wamae na wanalosho wakye; wakakaa pfo mfiri ngyaangu.

Mawuto Ga Wasu 1:14

Iwa woose wawei kyindo kyimwi kyiiṙi kya iterewa, hamwi na waka na Maria, wama o Yesu, na wana wa wamae.

Waroma 16:1

Ngyimanyisha konyu mshikyi oṙu Foibe; akyeri mṟundi siṟinyi ya Kyenkrea.

1 Wakorinto 1:12

Kyasia, kyindo ngyigamba nyi ikyi, kye orio mndu o konyu nekyegamba, “Inyi nyi o ura lo Paulo,” na “Inyi nyi o ura lo Apolo,” na “Inyi nyi o ura lo Kyefa,” na “Inyi nyi o ura lo Kristo.”

1 Wakorinto 7:15

Kyaindi ulya alaiṙikyie Ruwa kakunda ilekana na ulya aiṙikyie Ruwa, kyikuwiie kuṙo. Iho mii ang'u mka aiṙikyie Ruwa neiṙima iwuta chandu akunda. Wakulekanie ko ufoṟo kyipfa Ruwa nalelulaga luwe wandu wa ufoṟo.

1 Wakorinto 7:39

Mndu mka namlungye tapu na mii okye kyiyeri mii okye ai na moo; kyaindi kokooya mii okye apfa, neiṙima ialyiko na mndu oose amkundi; kyiiṙi kya Mndumii tupu.

1 Wakorinto 7:7

Indi kyindo ngyikundi nyi kye wandu woose wawe chandu inyi ngyikyeri. Kyaindi orio mndu nawoṙe kyienengo kyakye amonyi kyiwukyie ko Ruwa, ichu kuṙi na ichu kuṙi.

1 Wakorinto 7:8

Kyaindi ngawia walya walandealyikye, na wakusu, nyi nanga wakae chandu inyi ngyikyeri.

Wagalatia 1:19

Kyaindi ngyilewona msu ungyi sile Yakobo, mono-wama o Mndumii-pfo.

1 Timoteo 3:2

Kyasia kyiwaṟi askofu nawe mndu alekyegambo kye nawoṙe wuwicho woose, mii o mka umwi, awoṙe meena na wuṟango, mndu muyendelyi, ekyeambilyia wandu, aichi ilosha.

1 Timoteo 4:3

Wechilosha kye wandu walaalyikye ang'u ialyiko, na iwawia walalye shelya shilyiwe, shilya Ruwa aleshigumba, na soe luiṙikyie Yesu imanya wuloi kye luwaṟi iana Ruwa kyiyeri loambilyia shindo-sho.

1 Timoteo 5:2

Ṙeṙa na wakyeku cha wamama wapfo; wana wa kyika cha washikyi wapfo; kui mkaṟo ulawoṙe ukoe lo wuṟui.

Tito 1:6

kokooya mndu alalegambo kye nawoṙe wuwicho woose, na oe nyi mii o mka umwi, nawoṙe wana waiṙikyie, walekyegambo kye nyi waṟui ang'u walawoṙe wuindi.

Waebrania 13:4

Wandu woose wawone kye wolyi nyi kyindo kyicha, na mii ang'u mka alakuwinishe na wandu wengyi; cha kyipfa waṟui Ruwa nechiwaolotsia ngapo.