1 Wakorinto 9:23 - Kivunjo New Testament 1999

²³ Na inyi ngyekyewuta shindo shoose kyipfa kya Ndumi Ngyicha kundu ngyikae handu hamwi na wandu wengyi.

1 Wakorinto 9:23 ပူးပေါင်းရင်းမြစ်များ

Mariko 8:35

Cha kyipfa mndu akundi ikyiṟa moo okye, nechiuṙetsa, na mndu echiṙetsa moo okye kyipfa kyako na kyipfa kya Ndumi Ngyicha, ichu nechiukyiṟa.

Waroma 11:17

Kyaindi kokooya mbaga tsingyi tsilemanyo, na iyoe mseituni o nguṙunyi nuleṙongo kyiiṙi kyatso, kowa mbumbu imwi ya ikyiṙi lya mseituni na wucha wolyo,

1 Wakorinto 9:12

Kokooya wandu wengyi wawoṙe ugawi kyiiṙi kya wuiṙimi-wu, soe chi ngoseṟa-pfoe? Indi lulekuwinisha iiṙia kyindo kyoose iwuka konyu-pfo. Lulekarishia shindo shoose lulacheshingyia Mbonyi Ngyicha tsa Yesu Kristo.

1 Wakorinto 9:22

Ko wafofo ngyilewa mfofo, kundu ngyigalutsie wafofo ura lo Yesu. Ngyilewa orio kyindo ko wandu woose, kundu kui njia tsoose ngyiiṙime ikyiṟa wandu.

1 Wakorinto 9:24

Ngyesa muichi kye walya wekyeṙicha, wekyekapa mteeṟa woose, kyaindi ekyeambilyia iṟikoso nyi umwi-pfoe? Kapenyi mteeṟa kuṙo kundu muenengo iṟikoso.

2 Wakorinto 2:4

Ngyilemuṟeia paruo kui mcheṟeṟe ifoi na mrima uwoṙe fowa na ikuinyṙia lying'anyi. Chi kye muwaṙe ikuinaṙia-pfo, indi muiṙime imanya ikunda lyako konyu chandu lying'anyi.

Wagalatia 2:5

Kyaindi kyipfa kya iringa ulogo lo Ndumi Ngyicha luleiṙikyia waluchilyie maa ale-pfo, kundu wuloi wo Ndumi Ngyicha wukae na nyoe.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

2 Timoteo 2:6

Kyiwaṟi mṙemi awoṙe wukyiwa wo maṟunda nawe o kuwooka iambilyia ṙombo lya ndunda.

Waebrania 3:1

Koikyo wana wa wama mui wandu wa Ruwa, muleiṙikyia ndago ya ruwewu, kusaṟenyi mnu mbonyi tsa msu na Mkohanyi ang'anyi kuta woose o shilya lokyeṟingyishia. Yesu,

Waebrania 3:14

Cha kyipfa lowa wandu wekyekaa handu hamwi na Kristo, kokooya lokuwaṙa tapu na kyilya luleloṟa kyiyeri lulewooka iiṙikyia Yesu mṟasa mafurumionyi.

1 Petiro 5:1

Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;

1 Yohane 1:3

Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.