1 Wakorinto 9:19 - Kivunjo New Testament 1999

¹⁹ Kyipfa, maa chandu ngyilakyeri mtumo o mndu oose, ngyekyekugaluo cha ilyi ngyikyeri mtumo o wandu woose, kundu ngyigalutsie ura lo Yesu wandu wafoi ngoseṟa.

1 Wakorinto 9:19 ပူးပေါင်းရင်းမြစ်များ

Matayo 18:15

“Na mono-womoo kakuṙekyio, yenda umṙeṙie kya ṙeko lyakye, iyoe na oe tupu. Kakuaṙanyia, nowona mono-womoo.

Waroma 1:14

Ngyiriko nyi Wakyiṟikyi na walakyeri Wakyiṟikyi, ngyiriko nyi waṟango na matondo.

Waroma 11:14

Kofia ngyeiṙima iwaenenga wunyenyi wandu wa samu yako ngyimonyi na ikyiṟa wandu waata.

Waroma 15:2

Orio mndu kyiiṙi kyaṙu nachihiṟe momṟasa okye, naambilyie wucha, kundu naiṙime ikarisha iiṙikyia lyakye.

1 Wakorinto 10:29

chi kyipfa kyapfo-pfo indi kyipfa kya icho ungyi ammbia mbonyi-tso. Kyipfa kulya inyi iwa mndu alamchilyie nyi kyindo kulaanduyo nyi makusaṟo ga mndu kye nyi kyiha kyii kyicha na nyi kyiha kyii kyiwicho. Chi kyipfa kyapfo-pfo indi kyipfa kya ulya ungyi ammbia mbonyi-tso. Kyipfa kulya inyi iwa mndu alamchilyie nyi kyindo kuleanduyo nyi makusaṟo ga mndu kye nyi kyiha kyii kyicha na nyi kyiha kyii kyiwicho.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 7:16

Cha kyipfa nomanya kuṙa, iyoe mndu mka, kokooya nochikyiṟa mii opfo? Ang'u nomanya kuṙa, iyoe mndu msoṟo, kokooya nochikyiṟa mka opfo?

1 Wakorinto 9:1

Ngyesa inyi chi mndu alamchilyie nyi kyindo kyoose-pfoe? Inyi chi msu-pfoe? Inyi ngyilewona Yesu Mndumii oṙu-pfoe? Nyoe chi kyilyimu kya inyi iṟundia Mndumii-pfoe?

2 Wakorinto 12:14

Ambuyenyi kye nyi lya kaṟaaṟu inyi ngyikuṟeyeṟie icha na konyu, maa ngyechiwa ṟio konyu-pfo. Kyipfa ngyipfula masaa ganyu-pfo, indi ngyimupfula nyoe; kyipfa kyiwaṟi wana ikooma kyiseyesoe ko wafee-pfo, indi wafee ko wana.

2 Wakorinto 4:15

Cha kyipfa mbonyi tsoose nyi kyipfa kyanyu, kundu isaṟia-lyo lyikaengyeṟika mnu, ko iwo wakyeri wafoi kyiano kyiengyeṟikye, na Ruwa nang'anyiso.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

Wagalatia 5:1

Kyiiṙi kya iwa wana wa mka o wolyi Kristo nalelugaluo wandu walakyeri wuchilyinyi wo kyindo kyoose. Koikyo maa mulalolome, maa ichilyio-se nyi wutumo.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

1 Petiro 3:1

Nyoe waka, indienyi wamii wanyu; kundu kokooya kuwoṙe walaiṙikyie Ṙeṙo, waiṙime ilyiiṙikyia kui mkaṟo ya waka wawo kulawoṙe igamba kyindo;