1 Wakorinto 9:18 - Kivunjo New Testament 1999

¹⁸ Kyasia wori woko nyi kyikyi? Nyi iwu, kye kyiyeri ngyionguo Ṙeṙo lya Ruwa, ngyechiwuta kuṙo kulawoṙe itosa kyindo, kyaindi kui iṟunda necha na wuiṙimi woko ngyiwoṙe Nduminyi Ngyicha.

1 Wakorinto 9:18 ပူးပေါင်းရင်းမြစ်များ

Yohane 4:36

Na ulya mosambuo nekyeambilyia wori, na isania shilyimu kyipfa kya moo o mlungana; kundu ulya ekyewaaya na ulya ekyesambuo waiṙime ichihiyo handu hamwi.

Mawuto Ga Wasu 18:3

Kyipfa iṟunda lyawo nyi-we lyimwi, kakaa kowo, kaṟunda hamwi nawo, cha kyipfa wawewoṙe wuṟango wo ipfuma mahema.

Waroma 14:15

Na mono-womoo kawoṙo nyi fowa kyipfa kya kyelya, noṙa ichumia ikundenyi. Kui kyelya kyapfo ulanyamaṟe mndu ulya Kristo alepfa kyipfa kyakye.

1 Wakorinto 10:33

Nyi wuṙo chandu inyi ngyekyechihiṟa wandu woose shindonyi shoose, ngyilalepfula kyiira kyako ngyimonyi, indi kyiira kya wandu wafoi, kundu wakyiṟo.

1 Wakorinto 3:8

Kyasia ulya mowaaya, na ulya monyosa nyi kyindo kyimwi, kyaindi orio mndu nechiambilyia wori wokye iṙuana na wukyiwa alelya.

1 Wakorinto 7:31

Na walya wekyekuwinisha na wuyana cha ilyi walaikuwinisha mnu na wuyana; kyipfa shindo sha wuyana-wu shiiṙa.

1 Wakorinto 8:9

Kyaindi ambuyenyi wuiṙimi-wu wonyu wo iwuta kyoose mokunda wulachetewe walya wafafa wanyamaṟe.

1 Wakorinto 9:12

Kokooya wandu wengyi wawoṙe ugawi kyiiṙi kya wuiṙimi-wu, soe chi ngoseṟa-pfoe? Indi lulekuwinisha iiṙia kyindo kyoose iwuka konyu-pfo. Lulekarishia shindo shoose lulacheshingyia Mbonyi Ngyicha tsa Yesu Kristo.

1 Wakorinto 9:15

Kyaindi inyi ngyilewuta shindo-sho maa kyimwi-pfo. Maa ngyiṟeia isho kundu kyiwe kuṙo koko-pfo; kyipfa nanga ngapfa kuta mndu oose igamba kye ikushela lyako chi lya sungusinyi-pfo.

1 Wakorinto 9:17

Kyipfa ngaṟunda iṟunda-lyi kulawoṙe iitiko ngyiwoṙe wori; indi kokooya nyi kui iitiko, Ruwa nangyisambuṟie ngyiringye iṟunda lyakye.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

1 Watesalonikye 2:6

Lulepfula kyiṟumi ko wandu, maa konyu, maa ko wandu wengyi kyiyeri luwewoṙe wuiṙimi wo iwa ṟio konyu cha wasu wa Kristo-pfo.