1 Wakorinto 9:14 - Kivunjo New Testament 1999

¹⁴ Na Mndumii wuṙo nagambie kye walya wekyeonguo Ndumi Ngyicha waenengo kando kawo ipfo Nduminyi Ngyicha.

1 Wakorinto 9:14 ပူးပေါင်းရင်းမြစ်များ

Matayo 10:10

Maa mkunja o kyaro, maa mawale gawi, maa shiaṙu, maa upoi; kyipfa mṟundi nawaṟi kyelya kyakye.

Luka 10:7

Kyasia, kaenyi ipfo numbenyi, mochilya na inyo sha kowo; kyipfa mṟundi nawaṟi ienengo wori wokye. Maa mulakyame-kyame iwuka numba imwi iyenda numba ingyi.

Luka 10:8

Na orio mṟi mochiiṙa napfo, wakamuambilyia, lyenyi shelya shechiwikyio mbele yanyu.

Mawuto Ga Wasu 18:3

Kyipfa iṟunda lyawo nyi-we lyimwi, kakaa kowo, kaṟunda hamwi nawo, cha kyipfa wawewoṙe wuṟango wo ipfuma mahema.

1 Wakorinto 4:15

Cha kyipfa maa kokooya muwoṙe walosha shiku ikumi kyiiṙi kya Kristo muwoṙe waawu wafoi-pfo. Kyipfa inyi ngyilemfee kyiiṙi kya Kristo Yesu kui njia ya Ndumi Ngyicha.

1 Wakorinto 9:11

Kokooya soe lulemuṙongyia shindo sha kyimrima, ngyesa nyi kyindo kying'anyi lukosambuo shindo shanyu sha kyimmbiu?

1 Wakorinto 9:12

Kokooya wandu wengyi wawoṙe ugawi kyiiṙi kya wuiṙimi-wu, soe chi ngoseṟa-pfoe? Indi lulekuwinisha iiṙia kyindo kyoose iwuka konyu-pfo. Lulekarishia shindo shoose lulacheshingyia Mbonyi Ngyicha tsa Yesu Kristo.

1 Wakorinto 9:16

Kyipfa maa kokooya ngyekyeonguo Ndumi Ngyicha, ngyiwoṙe kyindo kyeiṙima ingyienenga ikushela-pfo; kyipfa Ruwa nangyiwiie ngyiwute kuṙo. Lyingyi-se ochia loko ngyilandeonguo Ndumi Ngyicha.

1 Wakorinto 9:4

Ngyesa luwoṙe wuiṙimi wo ilya na inyo-pfoe?

2 Wakorinto 2:12

Kyasia kyiyeri ngyileshika Tiroa kyipfa kya Ndumi Ngyicha ya Kristo, Mndumii kangyipfunguya moongo.

Wagalatia 6:6

Manalosho naongoye mlosha okye shindo shicha shoose.

1 Watesalonikye 1:5

Kye Ndumi Ngyicha lulemuongoya iwekyeri kui maṙeṙo tikyi-pfo, indi na kui pfinya, na Mumuyonyi Mweele, kui iṟingyishia na pata kye ulogo-lu nyi lo loi. Chandu muichi chandu mkaṟo yaṙu iwekyeri konyu, kyipfa kyanyu.